22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:27:09 Bakı , 14°C
Ana səhifə Xəbərlər Ətraflı

Xəbər lenti:

Pakistanda bombalı hücum: 6 polis ölüb

08-01-2024

Milli mətbuatda yer alan xəbərlərə görə, Hayber Paxtunxva əyalətinin Bacaur bölgəsində poliomielitdən peyvənd edən tibb işçilərini qoruyan polis maşınına bombalı hücum olub. Nəticədə 6 polis məmuru həyatını itirib, 23-ü isə yaralanıb. 

Fhnews.az xəbər verir ki, Pakistan Müvəqqəti hökumətinin baş naziri Ənvarul Hak Kakar hücumu şiddətlə qınayaraq poliomielit xəstəliyi bitənə qədər peyvəndin davam edəcəyini vurğulayıb. 

Xayber-Paxtunxvada fəal olan Pakistan Talibanı (TTP) hücuma görə məsuliyyəti öz üzərinə götürdüyünü açıqlayıb. TTP bu peyvəndin "Qərb ölkələrinin uşaqları sterilizasiya etmək üçün istifadə etdiyi bir sui-qəsd olduğunu" iddia edir.

Qeyd edək ki, 1994-cü ildə başlanan poliomielitlə mübarizə kampaniyası çərçivəsində Pakistan 2017-ci ildə orta illik yoluxmaların sayını 20 mindən 8-ə endirib. 2017-ci ildən sonra poliomielit hallarının artdığı Pakistanda 2018-ci ildə 12, 2019-cu ildə 147, 2020-ci ildə isə 84 hadisə aşkarlanıb. 2022-ci ildə isə  ölkədə 20 fakt qeydə alınıb.

Paylaş:

Kateqoriyalar

Eyni kateqoriyalı xəbərlər