22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:52:36 Bakı , 14°C
Ana səhifə Xəbərlər Ətraflı

Xəbər lenti:

NİİM işıqforun qırmızı işığına məhəl qoymayan sürücülərə müraciət edib

21-10-2024
IMG

Daxili İşlər Nazirliyinin Nəqliyyatı İntellektual İdarəetmə Mərkəzi (NİİM) paytaxt yollarında bəzi sürücülərin işıqforun qırmızı işığının tələbinə məhəl qoymamaları barədə məlumat yayıb.

NİİM-dən verilən məlumata görə, belə sürücülər həm qayda pozuntusuna yol verir, həm də yol-nəqliyyat hadisələrinin baş verməsinə səbəb olurlar.

“Paytaxt yollarında bəzi sürücülər işıqforun qırmızı işığının tələbinə məhəl qoymurlar. Nəqliyyatı İntellektual İdarəetmə Mərkəzinin müşahidə kameralarının qeydə aldığı bu qəzalar sürücülərin işıqforun qırmızı işığında keçməsi səbəbindən baş verib. Bəzən ölüm və xəsarətlə nəticələnən bu cür yol-nəqliyyat hadisələri onların ani diqqətsizlik və səbrsizlik göstərməsi nəticəsində olur. İşıqforun yaşıl işığının bitməsinə 1 saniyə qalmış sürəti daha da artırıb yola davam etmək istəyən belə sürücülər özlərinin və digərlərinin həyatını təhlükə altında qoyurlar. Ümid edirik ki, müşahidə kameralarına düşən bu videolardan sürücülər nəticə çıxarar və işıqforun qadağanedici işarəsindən keçməyin nə qədər təhlükəli olduğunu görmüş olarlar”, - deyə məlumatda bildirilib.

Qeyd edək ki, İnzibati Xətalar Məcəlləsinin 327.2-ci maddəsinə əsasən işıqforun və ya nizamlayıcının qadağanedici işarəsi verilərkən hərəkətin davam etdirilməsinə görə sürücülər barəsində 100 manat və 3 cərimə balı tətbiq olunur.

Paylaş:

Kateqoriyalar

Eyni kateqoriyalı xəbərlər