22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:55:03 Bakı , 14°C
Ana səhifə Xəbərlər Ətraflı

Xəbər lenti:

Nazir müavini: Hədəfimiz effektiv uyğunlaşma tədbiri kimi 2027-ci ilə qədər erkən xəbərdarlıq sistemləri yaratmaqdır

16-11-2024
IMG

“İqlim dəyişikliyi geridönməz bir prosesdir. Buna görə də, erkən xəbərdarlıq sistemlərinin inkişaf etdirilməsi vacibdir. Ümumdünya Meteorologiya Təşkilatına görə, 24 saat ərzində erkən xəbərdarlıq edilərsə, fəlakət nəticəsində dəyən zərər 30 faiz azala bilər. Hədəfimiz effektiv uyğunlaşma tədbiri kimi 2027-ci ilə qədər erkən xəbərdarlıq sistemləri yaratmaqdır”.

Fhnews.az xəbər verir ki, bunu ekologiya və təbii sərvətlər nazirinin müavini Umayra Tağıyeva COP29-da “Dayanıqlılığın artırılması üçün iqlim məlumatının və Təhlükəli Erkən Xəbərdarlıq Sistemlərinin gücləndirilməsi” üzrə yüksəksəviyyəli tədbirdə çıxışı zamanı deyib.

U.Tağıyeva bildirib ki, erkən xəbərdarlıq üçün ilk sütun olan monitorinq sisteminin modernləşdirilməsinə sərmayə qoymaq məqsədilə hökumət tərəfindən əhəmiyyətli tədbirlər görülür: “Fürsətdən istifadə edərək, Finlandiyaya və Türkiyəyə bu prosesə texniki və metodoloji dəstəyə görə təşəkkür etmək istərdim.

Bu gün qlobal səviyyədə dünyanın bir çox ölkəsində çoxtərəfli erkən xəbərdarlıq sistemləri, iqlimə davamlılıq tədbirləri və yerli fəlakətlərə hazırlıq planları yoxdur. Erkən xəbərdarlıq sistemləri hər kəs üçün əlçatan olmalıdır, o cümlədən az inkişaf etmiş ölkələr və inkişaf etməkdə olan kiçik ada dövlətləri üçün.

Bütün bu boşluqları aradan qaldırmaq üçün 2019-cu ildə Azərbaycan UNEP-in dəstəyi ilə Yaşıl İqlim Fonduna Azərbaycanda “Dayanıqlılığın artırılması üçün iqlim məlumatı və çox təhlükəli erkən xəbərdarlıq sistemlərinin Gücləndirilməsi” layihə konsepsiyasını təqdim edib. Bu ilin oktyabrında layihə təsdiqlənib. Biz qonşu ölkələrlə əməkdaşlıq etmək və layihənin həyata keçirilməsindən faydalanmaq üçün imkan yaratmağı hədəfləyirik. Çünki bu, iqlim dəyişikliyi risklərinin həllində regional perspektivlərə xidmət edəcək”.

 

Paylaş:

Kateqoriyalar

Eyni kateqoriyalı xəbərlər