22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:29:29 Bakı , 14°C
Ana səhifə Xəbərlər Ətraflı

Xəbər lenti:

NASA təhlükəli günəş fırtınalarını araşdıracaq kosmik gəminin tikintisini başa çatdırıb

13-11-2024
IMG

NASA günəş küləklərini və onların Yerə təsirlərini araşdırmaq üçün gələn il buraxacağı əkiz peyklərin tikintisini başa çatdırıb. Tandem Reconnection və Cusp Elektrodinamik Kəşfiyyat Peykləri və ya "TRACERS" alimlərə kosmik hava şəraitini və Günəşdən gələn hissəciklərin Yerin maqnit sahəsinin üstünlük təşkil etdiyi planetimiz ətrafındakı bölgə ilə qarşılıqlı əlaqəsini daha yaxşı başa düşməyə imkan verir.

Hissəciklərin partlaması geomaqnit qasırğalarına səbəb ola bilər. Fırtınalar Yer atmosferinin rabitə üçün istifadə edilən radiodalğaları əks etdirən bölgəsinə təsir göstərərək, planetdə radio və elektrik enerjisinin kəsilməsinə və astronavtlar üçün təhlükəli şəraitə səbəb ola bilər.

Alimlər gələn il ərzində Günəş aktivliyinin artacağını proqnozlaşdırırlar, çünki Günəş hazırda öz dövrünün maksimumundadır. Təxminən hər 11 ildən bir Günəşin maqnit qütbləri dəyişir və 4,5 milyard illik sarı cırtdan ulduz daha fırtınalı və aktivləşir.

“TRACERS” missiyası  üçün peyklər Yerin maqnit sahələrinin şimal və cənub qütblərinin üstündə açılan huni formalı bölgələr vasitəsilə tək sıra ilə uçacaqlar. Alimlər uçuşlardan əldə edilən məlumatlarla yenidən qoşulmanın nə qədər tez dəyişdiyini müşahidə edəcəklər. Peyklər “Boeing”in törəmə şirkəti olan “Millenium Space Systems” tərəfindən hazırlanıb. NASA bildirib ki, peyklər Kaliforniyadakı Vandenberq Kosmik Qüvvələri Mərkəzinə daşınacaq və buraxılış aparatı ilə birləşdirilməzdən əvvəl sınaqdan keçiriləcək.

 “TRACERS” peykləri Yer və günəş küləyi arasında  qarşılıqlı əlaqəni öyrənmək üçün Yerin maqnit qütbləri boyunca uçacaq. Tədqiqat alimlərə radio və elektrik kəsilməsinə səbəb ola biləcək günəş fırtınaları haqqında yeni məlumatlar verəcək.

“TRACERS” missiyasının baş tədqiqatşısı  Devid Miles açıqlamasında "TRACERS alətlərinin və iki kosmos gəmisinin bir araya gəlməsini görmək həyəcanvericidir. Komanda buraxılış yolunda çox gözəl irəliləyiş əldə edir"-deyib.

Paylaş:

Kateqoriyalar

Eyni kateqoriyalı xəbərlər