22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:52:54 Bakı , 14°C
Ana səhifə Xəbərlər Ətraflı

Xəbər lenti:

NASA bir-birinə çox yaxın olan iki superkütləli qara dəlik aşkar edib

11-09-2024
IMG

Qara dəliklər normal olaraq qaranlıq kosmosda görünməz olsalar da, ətrafdakı cisimləri udub parçalayarkən ortaya çıxan işıq sayəsində onları tutmaq mümkündür. Aktiv qalaktik nüvələr adlanan qara dəliklər ətrafdakı qaz və tozları udaraq nəhəng səviyyələrdə işıq yayırlar. Qalaktikaların mərkəzində olan bu strukturlar bəzən bütün qalaktikadakı ulduzların işığını kölgədə qoya bilir.

“Hubble” Kosmik Teleskopu 800 milyon işıq ili uzaqlıqda yerləşən MCG-03-34-64 adlı birləşən qalaktikaların mərkəzində iki belə qara dəlik aşkar edib. Bir-birinə çox yaxın, 300 işıq ili uzaqlıqda olan qara dəliklər də birləşmə prosesində olub.Astronomlar bu qərarı Hubble qalaktikanın mərkəzindən çıxan üç işıq xəttini müşahidə etdikdən sonra veriblər.

Tədqiqatçılar öz tapıntılarını təsdiqləmək üçün ABŞ-nın Nyu-Meksiko ştatında yerləşən Çox Böyük Array radio teleskopunun arxivinə də müraciət ediblər. Bu şəkildə tapıntılar üç fərqli dalğa uzunluğunda dəstəklənib. Radio teleskoplarından istifadə edən astronomlar əvvəllər bir-birinə daha yaxın olan superkütləvi qara dəlikləri müşahidə etsələr də, bunlar müxtəlif dalğa uzunluqlarında təsdiqlənməmişdi. 

Qalaktikanın mərkəzindəki üçüncü işıq mənbəyinin haradan gəldiyini hələ bilməyən alimlər daha çox məlumat lazım olduğunu bildirir. 
Tədqiqatçılar deyirlər ki, qara dəliklər yəqin ki, 100 milyon il ərzində yaxınlaşmağa davam edəcək və nəticədə birləşəcək.

Paylaş:

Kateqoriyalar

Eyni kateqoriyalı xəbərlər