22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:58:37 Bakı , 14°C
Ana səhifə Xəbərlər Ətraflı

Xəbər lenti:

NASA 19 spiral qalaktikanın fotolarını yayımlayıb

30-01-2024

ABŞ Aeronavtika və Kosmik Agentliyi (NASA) James Webb Kosmik Teleskopu ilə 19 spiral qalaktikanın fotoşəkillərini dərc edib. NASA-nın internet saytında yer alan xəbərə görə, Yaxın Qalaktikalarda Yüksək Çözünürlüklü Fizika proqramı çərçivəsində çalışan elm adamları 19 spiral qalaktikanın fotoşəkillərini çəkiblər.

James Webb Kosmik Teleskopunun yaxın infraqırmızı kamerası mavi çalarlarda parlayan ulduzları, orta İnfraqırmızı Alət isə inkişafın ilkin mərhələlərində ulduzların və ulduzların ətrafında parlaq qırmızı toxumlar kimi parlayan toz buludlarının təsvirini çəkib. ABŞ-ın Ohayo Dövlət Universitetinin Astronomiya professoru Adam Leroy qeyd edib ki, fotoşəkillərdəki böyük, sferik qabıqlar bir və ya bir neçə ulduzun partlaması nəticəsində ulduzlararası qaz və tozu itələyən dəliklər ola bilər.

Kanadanın Alberta Universitetinin fizika professoru Erik Rosolovsky qalaktikaların müəyyən bölgələrində spiral qolların qırmızı və narıncı rəngdə eyni şəkildə uzandığını ifadə edərək, bu strukturlar arasındakı məsafənin başlanğıc, proses və son haqqında ipucu verdiyini deyib.

Almaniyadakı Maks Plank İnstitutundan alim Eva Şinnerer qalaktikanın mərkəzinə yaxın olan çəhrayı-qırmızı difraksiya ləkələrinin, fotonun doymasına təsir edən ulduz klasterlərinin yaydığı işıq və ya aktiv superkütləvi qara dəlik səbəbiylə meydana gələ biləcəyini bildirib.
Dünya üzrə 150-dən çox astronomun səyi ilə həyata keçirilən Yaxın Qalaktikalarda Yüksək Çözünürlüklü Fizika proqramı çərçivəsində elm adamları təxminən 100 min ulduz klasterindən ibarət indiyə qədər hazırlanmış ən böyük kataloqu nəşr ediblər.

Paylaş:

Kateqoriyalar

Eyni kateqoriyalı xəbərlər