22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:43:42 Bakı , 14°C
Ana səhifə Xəbərlər Ətraflı

Xəbər lenti:

Meyvəçilik və tərəvəzçilikdə zərərli orqanizmlərə qarşı inteqrir mübarizə üsulları üzrə təlim keçiriləcək

27-08-2024
IMG

Kənd Təsərrüfatı Nazirliyində yerli sahibkar və mütəxəssislərə meyvə və tərəvəz istehsalında müşahidə olunan əsas zərərli orqanizmlərə qarşı mübarizəyə dair təlim-seminar keçiriləcək.

Nazirliyin İctimaiyyətlə əlaqələr və informasiya təminatı şöbəsindən verilən məlumata görə, təlimin təşkili Kənd Təsərrüfatı Nazirliyi, Rusiyanın inteqrir mübarizə üsulları (IPM) üzrə ixtisaslaşmış şirkəti “Biotechnologiya” MMC şirkətinin və Azərbaycanda müasir istixana kompleksinə sahib “BUTA AGRO” şirkətlərinin birgə təşkilatçılığı ilə baş tutacaq.

Rusiyadan dəvət olunacaq mütəxəssislərin keçəcəyi təlimlərdə əsas məqsəd məhsul istehsalında davamlı kənd təsərrüfatı metodlarının tətbiqini təşviq etmək, xarici bazar tələblərinə uyğun məhsul istehsalı ilə ixrac potensialını artırmaq, ən yaxşı təcrübələr üzrə sahibkarların və fermerlərin bilik və bacarıqlarının inkişafına nail olmaqdır. Təlim iştirakçılarına həm nəzəri biliklər, həm də praktiki nümayişlərlə inteqrir mübarizə üsullarının təsərrüfatlarda tətbiqi barədə məlumatlar veriləcək.

Təlimlər sentyabrın 12-13-də Kənd Təsərrüfatı Nazirliyində baş tutacaq.

Təlimlərdə iştirak etmək istəyən şəxslər [email protected]  ünvanına yaza və ya +994 50 620 94 76 nömrəsi ilə əlaqə saxlaya bilərlər.

Paylaş:

Kateqoriyalar

Eyni kateqoriyalı xəbərlər