22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:57:22 Bakı , 14°C
Ana səhifə Xəbərlər Ətraflı

Xəbər lenti:

Meksikada mayyalara aid sirli tikili tapılıb

17-07-2024
IMG

Arxeoloqlar Meksikada Maya top sahəsinin altında boyalı divarları olan sirli yeraltı tikili aşkar ediblər. Eramızın 200-600-cü illərinə aid tikili Cənubi Amerika qitəsində İspanların fəthindən əvvəlki həyat haqqında fikir formalaşdıra bilər. 

Ekspedisiya Balam Ku Biosfer Qoruğunda təxminən 140 kvadrat kilometr əraziyə fokuslanıb.Meksika Milli Antropologiya və Tarix İnstitutundan verilən açıqlamaya görə, eramızın 200-600-cü illəri arasında Maya sivilizasiyasının erkən klassik dövrünə aid olan quruluş İspaniyanın işğalından əvvəl Cənubi Amerika qitəsindəki həyat haqqında məlumat verə bilər.

Yaxınlıqda hündürlüyü 15 metr olan qədim piramida və su çəni də aşkar edilib. Tədqiqatçılar bu piramida quruluşunun üzərində keramika qablar, armadilloya aid ola biləcək keramika heyvan ayağı və çaxmaq daşından bıçaq kimi artefaktlar da tapıblar. 

Çox güman ki, bu artefaktlar İspan fəthindən qısa müddət əvvəl- Postklassik dövrdə eramızın 1250-1524-cü illərinə aiddir. 

Tədqiqatçılar bildiriblər ki, piramidanın zirvəsində tapılan artefaktlar Avropalıların gəlməsindən əsrlər əvvəl mərkəzi düzənliklərdə siyasi parçalanma və ciddi demoqrafik tənəzzüldən çox sonra zəifləmiş əhalinin mövcudluğundan xəbər verir.

Paylaş:

Kateqoriyalar

Eyni kateqoriyalı xəbərlər