22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:28:39 Bakı , 14°C
Ana səhifə Xəbərlər Ətraflı

Xəbər lenti:

“Yüksəliş” müsabiqəsinin qabiliyyət imtahanının nəticələri açıqlanıb

25-05-2024
IMG

Dördüncü “Yüksəliş” müsabiqəsinin qabiliyyət imtahanının nəticələri açıqlanıb.

Fhnews.az xəbər verir ki, Müsabiqənin İşçi Qrupundan verilən məlumata görə, iştirakçılar şəxsi kabinetinə daxil olaraq Hesabatlar bölməsində imtahan nəticələri ilə tanış ola bilərlər.

Ümumilikdə 1311 iştirakçı imtahanı uğurla tamamlayaraq əyani mərhələnin idarəetmə bacarıqları imtahanında iştirak etmək haqqı qazanıb. Həmin imtahanla bağlı ətraflı məlumat tezliklə iştirakçıların şəxsi kabinetinə yerləşdiriləcək.

Xatırladaq ki, “Yüksəliş” müsabiqəsi Azərbaycan Prezidentinin 2019-cu il 26 iyul tarixli Sərəncamına əsasən təsis olunub. Müsabiqənin məqsədi 21-51 yaş aralığında olan, intellektual səviyyəsi yüksək və azı iki il idarəçilik təcrübəsinə malik perspektivli rəhbər şəxslərin müəyyənləşdirilməsini, dəstəklənməsini və ölkədə kadr ehtiyatı bankının yaradılmasını təmin etməkdir.

“Yüksəliş” müsabiqəsinin qalibini bir il ərzində idarəçi rəhbərlərdən – böyük şirkətlərin top-menecerlərindən və dövlət orqanlarının rəhbərlərindən fərdi karyera məsləhətləri almaq imkanı və 20 min manat məbləğində pul mükafatı gözləyir.

Növbəti - dördüncü “Yüksəliş” müsabiqəsinin keçirilməsi ilə bağlı Azərbaycan Prezidenti tərəfindən 2023-cü il dekabrın 25-də Sərəncam imzalanıb.

Paylaş:

Kateqoriyalar

Eyni kateqoriyalı xəbərlər