22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:01:16 Bakı , 14°C
Ana səhifə Xəbərlər Ətraflı

Xəbər lenti:

“Helen” son 55 ildə ABŞ-ı vuran ikinci ən ölümcül qasırğa olub

02-10-2024
IMG

“Helen” yarım əsrdən çox müddətdə ABŞ-da ikinci ən ölümcül qasırğa olub. Qasırğa qurbanlarının sayı 160 nəfəri ötüb, yüzlərlə insan itkin düşmüş sayılır.

Fhnews.az xəbər verir ki, “Fox News” telekanalının yaydığı məlumata görə, “Helen” son 55 ildə Birləşmiş Ştatları vuran ikinci ən ölümcül qasırğadır və yalnız 2005-ci ildəki “Katrina”dan geri qalır.

Qeyd olunur ki, qasırğanın təsirinə məruz qalmış bir çox ərazilərdə elektrik enerjisi təchizatı dayanıb, rabitə kəsilib. Şimali Karolina ştatında yanacaqdoldurma məntəqələrində uzun növbələr yaranıb.

Qasırğadan zərər çəkmiş bölgələrə Milli Qvardiyanın minlərlə əsgəri, yüzlərlə taktiki nəqliyyat vasitəsi və onlarla helikopter göndərilib. Ağ evdən bildiriblər ki, Prezident Cozef Bayden Şimali Karolinaya çərşənbə günü səfər etməyi, daha sonra Corciya və Floridaya getməyi planlaşdırır.

ABŞ Prezidentinin daxili təhlükəsizlik üzrə müşaviri Liz Şervud-Randall təbii fəlakət nəticəsində həlak olanların sayının arta biləcəyini deyib. Onun sözlərinə görə, fəlakət bölgələrində yaşayan 600 nəfərlə hələ də əlaqə saxlamaq mümkün olmayıb.

Paylaş:

Kateqoriyalar

Eyni kateqoriyalı xəbərlər