22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:32:29 Bakı , 14°C
Ana səhifə Xəbərlər Ətraflı

Xəbər lenti:

“Google” kosmosda zərərli emissiyaları qeydə alacaq

16-02-2024

“Google” zərərli emissiyaları izləmək üçün Yerin orbitinə peyk çıxaracaq.

Fhnews.az xarici mətbuata istinadən xəbər verir ki, bu barədə ABŞ korporasiyasının rəsmi bloqunda məlumat verilib.

İşlər Ətraf Mühitin Müdafiəsi Fondu (EDF) təşkilatı ilə əməkdaşlıq çərçivəsində aparılır. Metan sızmasını aşkar etmək üçün şirkətin mütəxəssisləri Harvard və Smitson İnstitutunun alimləri ilə birlikdə “Google Cloud”a əsaslanan alqoritmlər hazırlayıblar. Süni intellekt kosmosdan neft və qaz infrastrukturu obyektlərini: boru kəmərlərini və rezervuarları avtomatik müəyyən etməyə imkan verəcək. Texnologiya istixana qazı emissiyalarının daha çox hansı qovşaqlarda baş verdiyini müəyyən etməyə kömək edəcək.

Peykin orbitə buraxılması 2024-cü ilin mart ayına planlaşdırılır. O, “SpaceX Falcon 9” raketi ilə kosmosa çatdırılacaq. Sistem dünyanın ən böyük neft və qaz bölgələrində gündə 15 dəfə metan səviyyəsini ölçəcək. Monitorinqin nəticələri ictimaiyyətə açıqlanacaq.

Paylaş:

Kateqoriyalar

Eyni kateqoriyalı xəbərlər