22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:16:33 Bakı , 14°C
Ana səhifə Xəbərlər Ətraflı

Xəbər lenti:

“E-sosial” portalının 1,5 milyonadək aktiv istifadəçisi var

08-02-2024

Ötən dövrdə portaldan istifadə sayı isə 74 milyondan çoxdur

Əmək və Əhalinin Sosial Müdafiəsi Nazirliyinin geniş funksional imkanlara malik “e-sosial” portalının aktiv istifadəçilərinin sayı artmaqda davam edərək 1 milyon 476 min 800-ü ötüb. Ötən dövrdə portaldan istifadə sayı isə 74 milyondan çox olub.

Fhnews.az xəbər verir ki, Nazirliyin İctimaiyyətlə əlaqələr şöbəsindən verilən məlumata görə, 2019-cu ildə istifadəyə verilən portal ölkənin sosial reyestri olmaqla, vətəndaşlara onlar barədə toplanmış bütün sosial məlumatlara (əmək müqaviləsi, fərdi uçot, pensiya kapitalı, sosial təminat və s. üzrə) çıxış və yaranan sosial-əmək hüquqlarının təminatına nəzarət imkanı yaradır.

Portal pensiya, müavinət, təqaüd, əlillik, reabilitasiya, məşğulluq, iş yeri və s. barədə 30-dan çox elektron arayışı rəqəmsal platforma vasitəsilə almağa imkan verir.

Beynəlxalq səviyyədə də yüksək dəyərləndirilən e-sosial.az portalı ABŞ-ın beynəlxalq onlayn “dotCOMM Awards” müsabiqəsində “Platinium” kateqoriyasında qalib seçilib. Habelə Beynəlxalq Telekommunikasiya İttifaqının “Çempion layihə” mükafatına (“Əmək və Məşğulluq” altsistemi ilə birgə) layiq görülüb.

İqtisadi Əməkdaşlıq və İnkişaf Təşkilatı isə e-sosial.az portalını qabaqcıl innovativ təcrübələrdən biri kimi təqdim edib.

Paylaş:

Kateqoriyalar

Eyni kateqoriyalı xəbərlər