22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:05:57 Bakı , 14°C
Ana səhifə Xəbərlər Ətraflı

Xəbər lenti:

Koronavirus bütün dünyada gözlənilən ömür müddətini 1,5 il azaldıb

14-03-2024

Beynəlxalq araşdırma təəccüblü bir faktı üzə çıxarıb. Müvafiq olaraq, Covid-19 epidemiyası nəticəsində 2019-2021-ci illər arasında dünya üzrə gözlənilən ömür uzunluğu 1,5 ildən çox azalıb. 1950-2021-ci illər arasında Qlobal Xəstəlik Yükü araşdırmasında 195 ölkədə ölüm nisbətləri və gözlənilən ömür uzunluğunun təhlilindən, habelə sorğular, siyahıyaalmalar və digər mənbələrdən əldə edilən məlumatlardan istifadə edilən araşdırma, xüsusilə Covid- 19 epidemiya dövrünü incələyib.

Vaşinqton Universitetinin Sağlamlıq Ölçmələri və Qiymətləndirilməsi İnstitutunun apardığı araşdırma, 2019-2021-ci illər arasında dünya üzrə gözlənilən ömür uzunluğunun 1,5 ildən çox azaldığını və keçmiş artımların kəskin şəkildə geri çəkildiyini müəyyən edib.

İnstitutun araşdırmaçılardan Austin  Schumacher Covid-19 epidemiyasının bütün dünyada böyüklər üzərində dərindən təsirləndiyini ifadə edərək bildirib ki, epidemiya dövründə ölkələrin və bölgələrin yüzdə 84-də gözlənilən ömür uzunluğu azaldı. Bu vəziyyət yeni patogenlərin dağıdıcı potensial təsirlərini ortaya qoyub.
Gözlənilən ömür uzunluğu insanın orta hesabla nə qədər yaşadığını göstərən statistik ölçüdür.

Paylaş:

Kateqoriyalar

Eyni kateqoriyalı xəbərlər