22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:01:00 Bakı , 14°C
Ana səhifə Xəbərlər Ətraflı

Xəbər lenti:

Konqoda vəba epidemiyası

07-02-2024

Konqo Demokratik Respublikasının cənub-şərqində vəba epidemiyası 14 əsgərin ölümünə səbəb olub. Ordu yerli mətbuata verdiyi açıqlamada Konqo Demokratik Respublikasında ən azı 14 əsgərin öldüyünü, Haut-Katanqa əyalətində isə 500 əsgərin epidemiyadan təsirləndiyini bildirib.

General Eddy Kapend çərşənbə axşamı Lubumbaşidəki UNICEF ofisinin nümayəndə heyəti ilə görüşündə ölüm faktlarını təsdiqləyib. General Kapend 72 saat əvvəl müalicə alan xəstələrin sayının   144-ə yüksəldiyini, 14 ölüm faktının qeydə alındığını bildirib. General əlavə edib ki, epidemiyaya hərbi şəhərcikdəki antisanitar şərait səbəb olub.

Xatırladaq  ki, 2023-cü ilin iyulunda qonşu Tanqanyika əyalətinin Kalemie şəhərində vəba epidemiyası ən azı on nəfərin ölümünə səbəb olmuşdu.

Paylaş:

Kateqoriyalar

Eyni kateqoriyalı xəbərlər