22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:45:11 Bakı , 14°C
Ana səhifə Xəbərlər Ətraflı

Xəbər lenti:

Kolumbiyada korrida qadağan edilib

23-07-2024
IMG

Kolumbiya prezidenti Qustavo Petro öküz döyüşünü qadağan edən mübahisəli qanun layihəsini imzalayıb. Qanun layihəsini yüzlərlə heyvan hüquqları müdafiəçisinin iştirakı ilə paytaxt Boqotadakı La Santamaria öküz meydançasında imzalanıb.

Gustavo Petro burada verdiyi açıqlamada bildirib ki, biz dünyaya canlıları əyləncə üçün öldürməyin mədəniyyət olduğunu deyə bilmərik.

Qeyd edək ki, ölkədə müzakirələrə səbəb olan öküz döyüşünü qadağan edən qanun layihəsi mayın 29-da Konqresdə səs çoxluğu ilə qəbul edilib.

Prezident Petronun imzaladığı qanun layihəsi 2027-ci ildə qüvvəyə minəcək. Korridaya son qoymaq həm də ölkənin bəzi yerlərində bu tamaşa ətrafında çoxdan formalaşmış ənənələrə son qoymaq deməkdir.

Hökumətdən gəlirləri birbaşa və ya dolayısı ilə korridadan asılı olan insanları işlə təmin etmək xahiş olunur.

Ekvador, Fransa, Meksika, Peru, Portuqaliya, İspaniya və Venesuelada korrida davam etdiyi halda, Braziliya, Çili, Argentina, Uruqvay və Qvatemalada qadağan edilib.

Paylaş:

Kateqoriyalar

Eyni kateqoriyalı xəbərlər