22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:24:30 Bakı , 14°C
Ana səhifə Xəbərlər Ətraflı

Xəbər lenti:

İtaliyada əşyalarla dolu Qədim Roma nekropolu tapılıb (foto)

21-01-2024

Mərkəzi İtaliyada Roma dövrünə aid olan və ehtimala görə, elitanın qalıqlarını ehtiva edən nekropol aşkar edilib. 60-a yaxın qəbirdə qızıl-zinət əşyaları, dəri ayaqqabı qalıqları, saxsı qablar və digər qiymətli əşyalar var. Günəş enerjisi layihəsi üzrə tikinti işlərindən əvvəl Toskana qəsəbəsində yerləşən qəbiristanlıq səyahətçilər üçün otelə bənzər villa olub. 

Qazıntı sahəsinin baş arxeoloqu Emanuele Gianninin sözlərinə görə, Roma İmperiyasının ən parlaq dövrünə-eramızın 2-ci və 4-cü əsrlərinə aid olan nekropol, ehtimal ki, “mansio” adlı yol stansiyası ilə əlaqələndirilir. Yüksək vəzifəli şəxslər və digər dövlət rəsmiləri o dönəmdə burada gecələyib, istirahət ediblər. 

Giannini deyir ki, tarixi mənbələrdə Pizadan Romaya qədər uzanan qədim yol olan Via Aurelia üzərindəki Tabellaria adlı villanın adı çəkilir. Bu villanın yeri qəbiristanlıqdan cəmi 500 metr aralıdadır ki, bu da əlaqənin ola biləcəyini göstərir. İndiyə qədər arxeoloqlar yeni tapılan skeletlərin cins və ölüm yaşı baxımından yalnız əsas qiymətləndirmələrini aparıblar ki, bu da insanların şəhər kontekstində yaşadığını göstərir. 

Arxeoloji qrup nekropolda basdırılmış 67 nəfər haqqında daha çox məlumat əldə etmək üçün genetik tədqiqatlar aparmağa, o cümlədən birdən çox insanın olduğu qəbirlərin ailə üzvləri ilə bağlılığını  öyrənməyə çalışır. Giannini onu da deyir ki, qazıntı zamanı tapılan artefaktlar araşdırılaraq bərpa olunub və bu işlər tamamlandıqdan sonra yerli muzeydə sərgilənəcək.

Paylaş:

Kateqoriyalar

Eyni kateqoriyalı xəbərlər