22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:40:19 Bakı , 14°C
Ana səhifə Xəbərlər Ətraflı

Xəbər lenti:

"İstanbul Mədəniyyət Yolu Festivalı" başlayıb

29-09-2024
IMG

Türkiyə Mədəniyyət və Turizm Nazirliyi tərəfindən bu il 16 şəhərdə təşkil edilən “Türkiyə Mədəniyyət Yolu” Festivalının 13-cü dayanacağı İstanbuldur. Pikassodan Da Vinçiyə, Fridadan Endi Uorhola, Salqadodan Refik Anadola qədər əhəmiyyətli rəssamların əsərləri  bu gündən başlayaraq 6 Oktyabr tarixinədək sənətsevərlərin görüşünə gələcək.

Dünyanın önəmli rəssamlarından biri olan Pablo Pikassonun əsərləri artıq Atatürk Mədəniyyət Mərkəzində sərgilənməyə başlayıb. Dekabrın sonunadək sərgidə qravüra, çertyoj, afişa, litoqrafiya və fotoşəkillərdən ibarət 170 ədəd orijinal və rəssamın varisləri tərəfindən təsdiqlənmiş əşyalar nümayiş etdiriləcək.

Dahi rəssam Leonardo Da Vinçinin əsərlərini bir araya gətirən "Leonardo Da Vinci-Renessans Dahisi" sərgisi  isə 28 sentyabr - 15 yanvar 2025-ci il tarixləri arasında Lalə Muzeyində sərgilənəcək. Sərgidə 100-dən çox ixtira modeli sənətsevərlərə təqdim olunacaq.

Sebastiao Salqado festivalda “Genesis” adlı sərgisi ilə iştirak edəcək.Braziliyalı sənədli fotoqraf Sebastiao Salqadonun karyerasının ən uzun sürən və ən əhəmiyyətli layihələrindən biri olan "Yaradılış" adlı sərgisi də  ilk dəfə İstanbulda fotoqrafiyasevərlərlə görüşəcək.

Meksikalı rəssam Frida Kahlonun həyatına səyahət olan "Frida Kahlonun Gündəlikləri Sərgisi”,pop sənətinin önəmli nümayəndələrindən olan Endi Uorholun “Warhol's World – Icon of Pop Art” adlı sərgisi də festival çərçivəsində nümayiş etdiriləcək.

Yeni media sənətçisi Refik Anadolun son layihəsi olan "Yerin xəyalları: Anadolu"  isə ilk dəfə nümayiş etdiriləcək. Əsər tamaşaçıları arxeoloji biliklər və qabaqcıl texnologiya arasındakı dinamik və yeni əlaqəni araşdırmağa dəvət edir.

Paylaş:

Kateqoriyalar

Eyni kateqoriyalı xəbərlər