22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:39:13 Bakı , 14°C
Ana səhifə Xəbərlər Ətraflı

Xəbər lenti:

İstanbul Böyükşəhər Bələdiyyə Başçılığına Murat Kurum namizəd olub

07-01-2024

Türkiyədə martın 31-i keçiriləcək yerli idarəetmə orqanlarına seçkilərdə Xalq İttifaqının İstanbul Böyükşəhər Bələdiyyə Başçılığına namizədinin AK Partiya İstanbul Millət vəkili Murat Kurum olduğu açıqlanıb. Murat Kurum Ətraf Mühit, Şəhərsalma və İqlim Dəyişikliyi Naziri olduğu müddətdə şəhərlərin inkişafı və davamlı olması üçün çalışıb. Prezident Rəcəb Tayyib Ərdoğanın sosial dövlət anlayışına uyğun olaraq, Murat Kurum TOKİ ilə aztəminatlı vətəndaşların ev sahibi olması üçün sosial mənzil kampaniyaları hazırlayaraq şəhər çevrilmə səylərini İstanbulda həyata keçirmək üçün çalışıb.

Yeni namizəd Manavgat və Marmarisdəki yanğınlar, Kastamonu Bozkurt, Sinop və Giresundakı sellər, Elazığ, Malatya, İzmir və Kahramanmaraş mərkəzli zəlzələlər kimi fəlakət bölgələrində araşdırmalar aparıb.

Şəhərlərin dirçəldilməsi və yeni təhlükəsiz evlərin tikintisi üçün TOKİ ilə işləyən Kurum 5 ildə 81 milyon kvadratmetr milli bağça hədəfi çərçivəsində 484 milli bağın tikintisini gerçəkləşdirib.

Murat Kurum Prezident Ərdoğanın həyat yoldaşı Əminə Ərdoğanın himayəsi ilə başladığı “Sıfır Tullantı Layihəsi”nin də populyarlaşması üçün çalışıb.

Qeyd edək ki, hazırda İstanbul Böyükşəhər bələdiyyəsinin başçısı Əkrəm İmamoğludur.

Paylaş:

Kateqoriyalar

Eyni kateqoriyalı xəbərlər