22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:33:31 Bakı , 14°C
Ana səhifə Xəbərlər Ətraflı

Xəbər lenti:

İspaniyanın cənub-şərqində daşqınlar insan tələfatına səbəb olub

30-10-2024
IMG

Çərşənbə axşamı, oktyabrın 29-da İspaniyanın cənub-şərqindəki Valensiya və Albasete vilayətlərinin ərazilərindən keçən soyuq hava dalğasının gətirdiyi güclü yağışlar yolları və şəhərləri su altında qoyub. Sel və daşqınlardan ən çox zərərçəkən bölgələrdəki səlahiyyətlilər vətəndaşlara evdə qalmağı və vacib olmayan bütün səyahətləri təxirə salmağı tövsiyə ediblər. “Reuters” agentliyi yazır ki, daşqınlara məruz qalan ərazilərdə dəqiqləşdirilməmiş sayda cəsəd tapılıb.

Fhnews.az xəbər verir ki, Valensiyanın regional lideri Karlos Masonun sözlərinə görə, daşqınlar nəticəsində həlak olanların cəsədləri tapılıb, amma onların ailələrinə hörmətlə bağlı əlavə məlumat verilmir. Daha bir neçə nəfər hələ də itkin düşmüş sayılır.

İspaniyanın milli meteorologiya agentliyi AEMET Valensiya bölgəsinin şərq hissəsi üçün qırmızı həyəcan səviyyəsi elan edib, Turis və Utyel kimi bəzi ərazilərdə 200 millimetr yağıntı qeydə alınıb.

Radio və televiziya stansiyalarına su basmış ərazilərdə köməksiz qalan vətəndaşlardan və ya yaxınlarını axtaran yüzlərlə insandan zənglər daxil olur, çünki təcili yardım xidmətləri zərərçəkmiş icmaların hamısına operativ yardım göstərə bilmir.

Paylaş:

Kateqoriyalar

Eyni kateqoriyalı xəbərlər