22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:19:55 Bakı , 14°C
Ana səhifə Xəbərlər Ətraflı

Xəbər lenti:

İslam dininə aid ibadət yerlərində vakant vəzifələrin tutulması üçün növbəti müsahibə elan edilib

14-08-2024
IMG

Azərbaycan Respublikasının Dini Qurumlarla İş üzrə Dövlət Komitəsi İslam dininə aid ibadət yerlərində (məscidlər) aşağıdakı vakant vəzifələrin tutulması üçün müsahibə elan edir

Fhnews.az xəbər verir ki, Komitədən verilən məlumata görə, vakant vəzifələr aşağıdakılardır:

1. Şirvan şəhəri “Zeynalabdin” məscidi - imam

2. Ağcabədi rayonu Təzəkənd kənd məscidi - imam müavini

3. Şəki rayonu Şin kənd məscidi - imam müavini

4. Lənkəran şəhəri Böyük bazar “Cümə” məscidi – qadın dini ayinlərin icraçısı

Müsahibədə iştirak etmək istəyən namizədlər 2024-cü il avqustun 15-dən sentyabrın 1-i saat 18:00-dək aşağıdakı sənədləri elektron qaydada [email protected] adresinə və ya kağız daşıyıcıda Dini Qurumlarla İş üzrə Dövlət Komitəsinə (Bakı şəhəri, Səbail rayonu, Əhməd Cavad küçəsi, 16, AZ 1001) təqdim etməlidirlər:

- Şəxsiyyət vəsiqəsinin surəti və ya bu barədə dövlət informasiya ehtiyatlarından çıxarış;

- Tərcümeyi-hal;

- Dini ali və orta ixtisas təhsil haqqında sənədin notarial qaydada təsdiqlənmiş surəti və ya

bu barədə dövlət informasiya ehtiyatlarından çıxarış;

- Sağlamlıq haqqında arayış;

- Narkoloji dispanserdən arayış;

- Ruhi-əsəb dispanserindən arayış;

- Məhkumluq barədə arayış;

- Foto (3x4) (4 ədəd);

- Ərizə.

Tələb olunan sənədlərdən əlavə namizəd özünün elmi-pedaqoji və yaradıcılıq fəaliyyəti barədə sənədləri də təqdim edə bilər.

Müsahibədə iştirakla bağlı sənədlərin qəbulu üçün müəyyən edilmiş son müddət bitdikdən sonra müsahibənin keçirilməsi vaxtı və yeri Dini Qurumlarla İş üzrə Dövlət Komitəsinin internet saytında yerləşdiriləcək.

Əlaqə nömrəsi: (+994) 77 305 96 55.

Paylaş:

Kateqoriyalar

Eyni kateqoriyalı xəbərlər