22 noyabr 2024, cümə Bakı, 14°C
IMG-LOGO
  • 22 noyabr 2024, cümə 01:20:35 Bakı , 14°C
Ana səhifə Xəbərlər Ətraflı

Xəbər lenti:

İslahatlar milli əmək qanunvericiliyinin beynəlxalq normalara uyğun təkmilləşməsinə imkan verib

01-11-2024
IMG

Əmək bazarının yeni çağırışlara uyğun davamlı inkişafına yönələn ardıcıl islahatlar vətəndaşların məşğulluq imkanlarının artırılması, əmək və sosial hüquqlarının qorunması mexanizminin təkmilləşdirilməsi ilə yanaşı, ölkəmizin nüfuzlu beynəlxalq reytinqlərdə əmək bazarı üzrə göstəricilərinin daha da yaxşılaşmasına imkan verib.

Bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən məlumat verilib.

Məlumatda bildirilir ki, əmək münasibətlərində bərabər yanaşmanın təmini və ayrı-seçkiliyə, uşaq əməyinin istismarına və məcburi əməyə, məzuniyyət hüququndan istifadənin məhdudlaşdırılmasına yol verilməməsi, minimum əməkhaqqından az haqq ödənilməməsi, əməyin mühafizəsi və təhlükəsizliyi, əmək müqaviləsinin, iş vaxtının müddətləri və bu kimi digər vacib müddəalar əmək qanunvericiliyində təsbit edilib.

Eyni zamanda, gender bərabərliyinin təmin edilməsi ölkənin əmək qanunvericiliyində xüsusi yer tutur. Son vaxtlar Əmək və Əhalinin Sosial Müdafiəsi Nazirliyi, habelə Biznes Mühiti və Beynəlxalq Reytinqlər üzrə Komissiyanın “Əmək bazarı” işçi qrupunun təklifləri əsasında qadınların əmək bazarında iştirak imkanlarının artırılması üçün qanunvericilikdə qabaqcıl dünya təcrübəsinə uyğun təkmilləşdirmələr aparılıb.

Biznes reytinqləri baxımından əmək münasibətləri və məşğulluğa dair milli qanunvericilikdə əksini tapan bir sıra vacib məsələlər haqqında ətraflı məlumatı link vasitəsilə əldə etmək olar.

Paylaş:

Kateqoriyalar

Eyni kateqoriyalı xəbərlər