22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:20:22 Bakı , 14°C
Ana səhifə Xəbərlər Ətraflı

Xəbər lenti:

İndoneziyada vulkan püskürməsi nəticəsində 10 nəfər ölüb

04-11-2024
IMG

İndoneziyanın Flores adasındakı Levotobi Laki-laki vulkanında baş verən şiddətli partlayış bölgədə böyük fəlakətə səbəb olub. Gecə yarısı qəfil aktivləşən vulkan 2 kilometr hündürlüyə çatan qəhvəyi kül və lava püskürüb. Yerli hakimiyyət orqanlarının məlumatına görə, təbii fəlakət nəticəsində azı 10 nəfər ölüb.

Vulkan püskürməsinin ən çox zərər çəkdiyi yerlərdən biri Müqəddəs Qabriel Vəqfinə aid monastır olub. Fondun prezidenti Aqusta Palmanın sözlərinə görə, bir rahibə həyatını itirib, digər rahibə isə hələ də itkin düşüb.

 Monastırdakı rahibələr güclü kül yağışı altında qaranlıqda qaçmağa məcbur olublar. Vulkanologiya və Geoloji Təhlükə Mərkəzi vulkanla bağlı ən yüksək xəbərdarlıq səviyyəsini elan edib. Püskürən qaynar kül ətraf kəndlərə də çatıb və bir çox evi külə çevirib. Səmanın qırmızıya çevrildiyi fəlakətdə xilasetmə qrupları dağıntılar altında qalanların axtarışlarını davam etdirir.

Paylaş:

Kateqoriyalar

Eyni kateqoriyalı xəbərlər