22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:38:36 Bakı , 14°C
Ana səhifə Xəbərlər Ətraflı

Xəbər lenti:

İlk dəfə delfinlərin nəfəsində mikroplastik tapılıb

18-10-2024
IMG

ABŞ-da aparılan araşdırmada ilk dəfə delfinlərin nəfəsində sağlamlıq üçün ciddi risklər yaradan mikroplastik aşkar edilib.

İlkin nəticələri "Plos One" jurnalında dərc edilən araşdırma dəniz məməlilərinin havaya çıxdıqları zaman potensial zərərli çirkləndiriciləri necə nəfəs aldıqlarına diqqət yetirir.

Tədqiqatın bir hissəsi olaraq elm adamları Floridadakı Sarasota körfəzində və Luizianadakı Barataria körfəzində uzunburun delfinlərdən nəfəs nümunələri toplayıblar. 

Tədqiqatda nümunə götürülmüş 11 uzunburun delfinlərin hamısının nəfəsində mikroplastik aşkar edilib və dəniz məməlilərinin nəfəs aldığı mikroplastiklərin hava ilə qarışdığına inanıldığı ifadə edilib.

Delfinlərin nəfəs nümunələrində tapılan mikroplastiklərin əksəriyyətinin, xüsusilə isti su ilə yuyulduqda hissəciklər buraxan və geyim istehsalında istifadə edilən polyester olduğu bildirilib.

Delfinlərin insanlardan daha yüksək dozada mikroplastiklərə məruz qala biləcəyi düşünülür, çünki onların ağciyər tutumu daha böyükdür və daha dərindən nəfəs alır.

Ümumiyyətlə, dünyadakı insanlar və vəhşi təbiət də havada, suda və qidada mikroplastik kimi tanınan kiçik plastik hissəciklərə məruz qalır.Tədqiqatlar göstərir ki, mikroplastik hətta urbanizasiya və inkişafdan asılı olmayaraq Everest dağı kimi “təmiz” yerlərdə də mövcuddur. Bu hissəciklər külək tərəfindən daşınaraq ətraf mühitə və həyata ciddi ziyan vurur.

Mikroplastikə məruz qalma yollarının udma və inhalyasiya olduğu bildirilsə də, plastikdən nəfəs almaq ağciyər iltihabına və digər tənəffüs problemlərinə səbəb ola bilər.

Paylaş:

Kateqoriyalar

Eyni kateqoriyalı xəbərlər