22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:48:52 Bakı , 14°C
Ana səhifə Xəbərlər Ətraflı

Xəbər lenti:

ICESCO Beynəlxalq Sülh Günü münasibətilə müraciət yayıb

20-09-2024
IMG

İslam Dünyası Təhsil, Elm və Mədəniyyət Təşkilatı (ICESCO) hər il sentyabrın 21-də qeyd olunan Beynəlxalq Sülh Günü münasibətilə beynəlxalq ictimaiyyəti sülh mədəniyyətini istiqamətləndirmək, inkişaf etdirmək və təşviq etmək üçün daha koordinasiyalı səylər göstərməyə çağırıb.

Fhnews.az təşkilatın saytına istinadla xəbər verir ki, ICESCO-nun müraciətində sülh və təhlükəsizliyə qarşı artan çağırışlar və dünyanın bir sıra ölkələrinə təsir edən ekoloji, iqtisadi və sosial böhranlar fonunda daha davamlı, firavan cəmiyyətlər naminə birgə fəaliyyətin əhəmiyyəti vurğulanıb.

Müraciətdə deyilir: “Bu il “Sülh mədəniyyətinin yetişdirilməsi” devizi altında qeyd olunan bu əlamətdar gündə ICESCO müharibələr və münaqişələr zamanı uşaqlar, qadınlar, qocalar və əlilləri əhatə edən həssas qrupları daha yaxşı qorumaq üçün bütün tərəfləri humanitar standartlara və prinsiplərə riayət etməyə, onlara hər cür maddi və mənəvi dəstək göstərməyə çağırır.

ICESCO siyasətçiləri səfərbər edən müxtəlif proqramların həyata keçirilməsi yolu ilə sülh quruculuğuna hərtərəfli yanaşma formalaşdırmaq məqsədilə inkişafla əlaqəli bütün amilləri birləşdirən təşkilatın “Sülh 360°” yanaşması vasitəsilə sülh, tolerantlıq və sivilizasiyalararası dialoq dəyərlərinin inkişaf etdirilməsinə sadiqliyini bir daha təsdiq edir, mədəni, iqtisadi, psixoloji, sosial, təhsil və dini meyarlara, süni intellekt və müasir texnologiyaların inteqrasiyasına diqqət yetirən çoxşaxəli yanaşmaya əsaslanaraq, ilhamverici liderləri, vətəndaş cəmiyyətini, qadınları və gəncləri bu prosesə cəlb edir”.

Müraciətin sonunda qeyd olunur ki, ICESCO sağlam və möhkəm cəmiyyətlər qurmaq səyləri kontekstində sülh və təhlükəsizlik sahəsində səylərini davam etdirməyə sadiqdir. Təşkilat bu sahədə sinerji və fəaliyyətlərin koordinasiyası vasitəsilə sülhün və sabitliyin müdafiəsində güclü tərəfdaşlıq qurmaq üçün hərtərəfli əməkdaşlıq niyyətini yeniləyir.

Paylaş:

Kateqoriyalar

Eyni kateqoriyalı xəbərlər