22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:50:38 Bakı , 14°C
Ana səhifə Xəbərlər Ətraflı

Xəbər lenti:

Havanın çirklənməsi süd vəzi xərçənginin  artmasına səbəb olur

09-10-2024
IMG

Avropada aparılan araşdırmalara görə, hər kubmetr üçün PM2.5 konsentrasiyasının 10 mikroqram artması döş xərçəngi riskini 28 faiz artırır. Mütəxəssislər döş xərçəngi ilə mübarizədə havanın çirklənməsinin azaldılmasının vacibliyini vurğulayırlar.

Döş xərçəngi haqqında məlumatlılığı artırmaq, məlumat mübadiləsini asanlaşdırmaq və bu xərçəng növü ilə mübarizə aparanlara dəstək olmaq məqsədi ilə 1-31 oktyabr tarixləri bütün dünyada Süd vəzi Xərçəngi Maarifləndirmə Ayı hesab olunur. Hər il fərqli bir mövzu ilə qeyd olunan süd vəzi xərçəngi məlumatlandırma ayının builki mövzusu “Heç kim tək başına döş xərçəngi ilə qarşılaşmamalıdır” olaraq qeyd olunur.

Ümumdünya Səhiyyə Təşkilatına  bağlı Xərçəng Araşdırmaları Agentliyinin məlumatına görə, 2022-ci ildə təxminən 20 milyon xərçəng faktı aşkar edilib və 9,7 milyon insan xərçəng səbəbindən dünyasını dəyişib. Ağciyər xərçəngi 2,5 milyon faktla dünyada ən çox yayılmış xərçəng növü olub, ümumi halların 12,4 faizini təşkil edir, ikinci yerdə 11,6 faiz və ya  2,3 milyon fakt ilə döş xərçəngi gəlir.


Xərçənglə bağlı ümumi ölümlərin 18,7 faizi ağciyər xərçəngi, 9,3 faizi kolorektal xərçəng, 7,8 faizi isə qaraciyər xərçəngi nəticəsində baş verib. 670 min ölüm və ümumi xərçəngə bağlı ölümlərin 6,9 faizini təşkil edən süd vəzi xərçəngi 185 ölkədən 157-də qadınlarda ən çox görülən xərçəng növü olaraq qeyd edilib.

Havanın çirklənməsi astma, bronxit, amfizem və xroniki obstruktiv ağciyər xəstəliyi (KOAH) kimi sağlamlıq problemlərinin tezliyini artırır və PM2.5 kimi incə hissəciklər ağciyərlərə təsir göstərir.

Paylaş:

Kateqoriyalar

Eyni kateqoriyalı xəbərlər