22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:15:23 Bakı , 14°C
Ana səhifə Xəbərlər Ətraflı

Xəbər lenti:

Günəş səthinin real modeli yeni araşdırmalara yol açıb

23-05-2024
IMG

Alimlər müəyyən ediblər ki, Günəşin maqnit sahəsi Günəşin daxili təbəqələrində deyil, səthinin yaxınlığında baş verə bilər.

“Science Daily” saytının məlumatına görə, Günəş səthinin real modelini yaradaraq, tədqiqatçılar Günəşin ən yuxarı təbəqəsində, səthdən 5-10 faiz arasında olan bölgədə plazma axınındakı dəyişiklikləri simulyasiya ediblər.

Məlum olub ki, günəş ləkələri və alovlar ehtimal edildiyi kimi günəşin dərinliklərindən deyil, səthdəki dayaz maqnit sahəsindən yarana bilər.
Tədqiqat qrupunun üzvü və Massaçusets Texnologiya İnstitutunun üzvü Keaton  Burns səthə yaxın plazma axınının tədqiqinin Günəşin maqnit sahəsini yaradan fiziki proseslərin mənbəyini izah etmək üçün kifayət olub-olmayacağını araşdırıb.

Tədqiqatda Günəşin səthində müşahidə olunan vibrasiyaları araşdıran “heliseysmologiya” məlumatlarından istifadə edərək, səthin altındakı plazmanın orta quruluşunu və axını müəyyən edib.

Bu kontekstdə tədqiqatçılar Günəş səthinin yaxınlığında baş verən dəyişikliklərin Qalileydən bəri kosmonavtlar tərəfindən müşahidə edilən günəş ləkələrinin yeri və zaman miqyası modelinə uyğun gəldiyini aşkar ediblər.

Tədqiqatçılar öz animasiyalarında Günəşin səthinə yaxın olan bölgələrdəki plazma axınının maqnit sahəsi yaratmaq üçün kifayət olduğunu müəyyən ediblər.Araşdırmanın nəticələrini dəyərləndirən Burns "Məncə, bu nəticə mübahisəli ola bilər. Böyük əksəriyyət diqqətini Günəşin dərinliklərində dinamo hərəkətini tapmağa yönəldib. İndi müşahidələrə daha yaxşı uyğun gələn fərqli bir mexanizm olduğunu göstəririk"-deyib. 
Burns qeyd etdi ki, komanda tədqiqatda tapılan yeni səth sahəsi nümunələrinin mümkün günəş ləkələrini və bütün 11 illik günəş dövrünü göstərə biləcəyini araşdırmaqda davam edir.

Paylaş:

Kateqoriyalar

Eyni kateqoriyalı xəbərlər