22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:25:46 Bakı , 14°C
Ana səhifə Xəbərlər Ətraflı

Xəbər lenti:

Güclü yağış və qasırğa İspaniyaya böyük ziyan vurub

30-10-2024
IMG

Xüsusilə İspaniyanın şərq və cənub bölgələrini təsir edən güclü yağış və tufan böyük fəsadlara səbəb olub.

Mülki Yardım Agentliyindən verilən açıqlamada Valensiya, Mursiya, Malaga, Tarraqona, Mayorka və Almeriya şəhərlərində yağan rekord yağışlar nəticəsində əkinçilik sahələrinə ciddi ziyan dəydiyi, bir çox avtomobilin su altında qaldığı, bəzi yol və körpülərin dağıldığı bildirilib. 

Ölkənin şərq və cənub bölgələrində qırmızı və ya narıncı xəbərdarlıq elan edilib, Quadalhorce çayının daşması səbəbindən Əndəlus bölgəsində bəzi yollar nəqliyyata bağlanıb.

Digər tərəfdən, sosial mediada yayımlanan videolarda dünən gecə saatlarında məktəblərin bağlandığı Almeriya rayonlarına yağan dolunun yüzlərlə maşının şüşələrini sındırdığı və böyük ziyan vurduğu görülüb.

Həmçinin, Malaqa-Madrid xəttində hərəkət edən sürət qatarının relsdən çıxdığı, xəsarət alanların olmadığı, lakin nəqliyyatın müvəqqəti olaraq dayandırıldığı açıqlanıb.

Paylaş:

Kateqoriyalar

Eyni kateqoriyalı xəbərlər