22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:11:06 Bakı , 14°C
Ana səhifə Xəbərlər Ətraflı

Xəbər lenti:

Finlandiya Rusiya sərhədindəki keçid məntəqələrini qeyri-müəyyən müddətə bağlayır

04-04-2024

Finlandiya daha əvvəl bağlanmış keçid məntəqələrinin və Rusiya sərhədindəki bəzi limanların qeyri-müəyyən müddətə bağlı qalacağını açıqlayıb.
Ölkənin Daxili İşlər Nazirliyindən verilən açıqlamada bildirilir ki, hökumət Rusiya sərhədindəki keçid məntəqələrinin aprelin 15-dən etibarən bağlı qalmasına qərar verib. Açıqlamada, aprelin 15-dən etibarən Haapasaari, Nuijamaa və Santio limanlarının turist gəmiləri üçün qeyri-müəyyən müddətə bağlanacağı bildirilib.

Qeyd olunub ki, son illərdə Suriya və Somali kimi ölkələrdən gələnlərin sayı artdıqdan sonra ötən ilin sonunda Rusiya ilə quru sərhədlərini bağlayan Finlandiya ölkəyə qeyri-qanuni immiqrant axınının qarşısını almağı hədəfləyib.  Bəyanatda Finlandiyaya qeyri-qanuni mühacir axınının davam edəcəyi təqdirdə bunun Finlandiyanın milli təhlükəsizliyi və ictimai asayişi üçün ciddi təhlükə yaradacağı vurğulanıb.

Xatırladaq ki, Helsinkinin Moskvanın “hibrid əməliyyatı” olaraq xarakterizə etdiyi qeyri-qanuni mühacirlərə görə iki ölkə arasında həftələrdir davam edən gərginlikdən sonra Finlandiya 28 noyabr 2023-cü ildə Rusiya ilə bütün sərhədini müvəqqəti olaraq bağladığını açıqlamışdı.Fevral ayında verdiyi açıqlamada isə Finlandiya sərhədin bağlanmasının aprelin 14-dək davam edəcəyini açıqlamışdı.

Paylaş:

Kateqoriyalar

Eyni kateqoriyalı xəbərlər