22 noyabr 2024, cümə Bakı, 14°C
IMG-LOGO

FHN-in Sumqayıt Regional Mərkəzi obyekt mülki müdafiə məşqi keçirib

09-08-2024
IMG

Fövqəladə Hallar Nazirliyinin Sumqayıt Regional Mərkəzi tərəfindən Sumqayıt şəhərində yerləşən “Mariana Trench” otelində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda obyekt mülki müdafiə məşqi keçirilib.

Məşqin keçirilməsində məqsəd mülki müdafiə tədbirlər planının reallığının yoxlanılması, məşqə cəlb edilən heyətin mülki müdafiə sahəsində biliyinin artırılması və bu sahədə əməli vərdişlərin aşılanması olub.

Tədbirdə FHN-in Sumqayıt Regional Mərkəzi və Sumqayıt şəhər Dövlət Yanğından Mühafizə İdarəsinin əməkdaşları, Qızıl Aypara Cəmiyyətinin Sumqayıt Bölməsinin nümayəndələri, otelin rəhbər və işçi heyəti iştirak edib.

Məşq zamanı heyətin fövqəladə hal barədə xəbərdar edilməsi, toplanması, habelə yaranmış ekstremal vəziyyətin nəticələrinin aradan qaldırılması və ümumi idarəetmənin təşkili üzrə fəaliyyətləri qiymətləndirilib, həmçinin funksional vəzifələrlə bağlı məruzələr dinlənilib.

Uğurla keçən məşqdən sonra əldə edilmiş nəticələr müzakirə olunub, aidiyyəti üzrə tapşırıqlar verilib.

Paylaş: