22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:46:55 Bakı , 14°C
Ana səhifə Xəbərlər Ətraflı

Xəbər lenti:

FHN-in Mülki müdafiə qoşunlarının hərbi hissələri arasında güləş üzrə birincilik keçirilib

24-10-2024
IMG

21-23 oktyabr 2024-cü il tarixlərində Fövqəladə Hallar Nazirliyi Mülki müdafiə qoşunlarının hərbi hissələri arasında güləş üzrə birincilik keçirilib.

Azərbaycan Respublikası Dövlət Himninin səsləndirilməsi ilə başlayan tədbirdə Ümummilli Lider Heydər Əliyevin və Azərbaycanın suverenliyi, ərazi bütövlüyü, torpaqlarımızın azadlığı uğrunda canından keçən şəhidlərimizin xatirəsi bir dəqiqəlik sükutla yad edilib.

Daha sonra yarışlara start verilib. Mülki müdafiə qoşunlarının komandanlığının Fiziki hazırlıq və idman şöbəsinin zabitlərindən ibarət hakimlərin idarəçiliyi ilə keçirilən birincilikdə 8 çəki dərəcəsi üzrə 49 idmançı iştirak edib.

Yarışda komanda hesabında birinci yeri Qəbələ rayonunda yerləşən “N” saylı hərbi hissənin, ikinci yeri Gəncə şəhərində yerləşən “N” saylı hərbi hissənin, üçüncü yeri isə Şirvan şəhərində yerləşən “N” saylı hərbi hissəsinin komandası tutub.

Sonda qalib gələn komandalar diplom, kubok və medallar ilə təltif olunub.

Paylaş:

Kateqoriyalar

Eyni kateqoriyalı xəbərlər