22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:08:58 Bakı , 14°C
Ana səhifə Xəbərlər Ətraflı

Xəbər lenti:

FHN-in Cənub Regional Mərkəzi Daxili Qoşunların N saylı hərbi hissəsində nəzəri-praktiki tədbir keçirib

20-08-2024
IMG

Fövqəladə Hallar Nazirliyinin Cənub Regional Mərkəzi tərəfindən Daxili Qoşunların N saylı hərbi hissəsində “Fövqəladə hallarla bağlı davranış qaydaları” mövzusunda nəzəri-praktiki tədbir keçirilib.

Tədbirdə Fövqəladə Hallar Nazirliyinin yerli qurumlarının əməkdaşları və hərbi hissənin şəxsi heyəti iştirak edib.

Tədbir nəzəri və praktiki olmaqla iki hissədən ibarət olub.

Əvvəlcə, nəzəri hissə çərçivəsində təbii və texnogen xarakterli fövqəladə hadisələr zamanı düzgün davranış, ilkin yanğınsöndürmə avadanlıqları və fərdi mühafizə vasitələrindən istifadə qaydaları barədə hərbi hissənin şəxsi heyətinə geniş məlumat verilib.

Sonra hərbi hissənin ştatdankənar yanğınsöndürmə komandası tərəfindən təhlükəsizlik qaydalarına riayət edilməklə odsöndürücü balonlar və digər əlaltı vasitələrlə yanğın ocağının praktiki olaraq söndürülməsi yerinə yetirilib.

Daha sonra Mərkəzin xilasediciləri tərəfindən hərbi hissənin şəxsi heyətinə xilasetmə işlərinin təşkili və aparılması qaydaları izah edilib, xüsusi xilasetmə alət və avadanlılqarı nümayiş olunub.

 
Paylaş:

Kateqoriyalar

Eyni kateqoriyalı xəbərlər