22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:26:17 Bakı , 14°C
Ana səhifə Xəbərlər Ətraflı

Xəbər lenti:

Ekvadorda fövqəladə vəziyyət elan edilib

26-09-2024
IMG

Alovla mübarizənin 3 gündür davam etdiyi Ekvadorun paytaxtı Kitoda meşə yanğını səbəbindən fövqəladə vəziyyət elan edilib. Qeyd edək ki, Cənubi Amerika ölkəsi Ekvadorun paytaxtı Kitonun Quapulo bölgəsində meşə yanğını 3 gündür davam edir. Kito meri Pabel Munoz alovla mübarizənin davam etdiyi şəhərdə fövqəladə vəziyyət elan olunduğunu açıqlayıb. Munoz açıqlamasında bildirib ki, bu qərar bizə beynəlxalq təşkilatlardan zədələnmiş ekosistemin bərpası və bərpası üçün ən azı yarım milyon dollarlıq kritik yardım almağa kömək edə bilər.

Çərşənbə axşamı başlayan yanğın son illərdə şəhərdə ən dağıdıcı yanğınlardan biri kimi qeydə alınıb, yanğının söndürülməsinə 2 min yanğınsöndürən, hərbçi və xilasedicilər cəlb edilib. Yerli hakimiyyət orqanlarından verilən açıqlamada yanğınla əlaqədar 107 evin təxliyə edildiyi, 2 yanğınsöndürən və 2-si uşaq olmaqla 4 nəfərin yaralandığı bildirilib.

Yanğının hansı səbəbdən baş verdiyi hələ bilinməsə də, Ekvador prezidenti Daniel Noboa bildirib ki, yanğının qəsdən törədilməsi müəyyən olunarsa, hadisədə iştirak edənlər terror cinayətlərinə görə mühakimə olunacaqlar.

Xatırladaq ki, ötən il şiddətli quraqlıqla mübarizə aparan Ekvadorda 3302 yerdə meşə yanğınları baş vermiş, 37808 hektar ərazi külə dönmüşdü.

Paylaş:

Kateqoriyalar

Eyni kateqoriyalı xəbərlər