22 noyabr 2024, cümə
Bakı, 14°C
- 22 noyabr 2024, cümə 04:18:18 Bakı , 14°C
Dünyanın ilk kosmik əsaslı elektrik şəbəkəsi yaradılır
ABŞ-da yerləşən bir şirkət dünyanın ilk kosmosa əsaslanan elektrik şəbəkəsini qurmağa hazırlaşır. Kosmik gəmiləri enerji ilə təmin etməyi qarşısına məqsəd qoyan şəbəkənin ilk peykinin gələn il orbitə çıxarılması planlaşdırılır.
Elm adamları günəş enerjisindən mümkün qədər faydalanmaq yolları üzərində işləyərkən bəzilərinin gözü kosmosa dikilib.
Hava kimi maneələr olmadan kosmosda Günəşdən daha çox enerji toplana bildiyi üçün bu enerjinin yerə göndərilməsi üçün son illərdə səylər artır. Keçən il kosmosdan toplanan enerji ilk dəfə Yerə göndərilib.
Floridada yerləşən ”Star Catcher” startapı kosmosda topladığı enerjini digər kosmik gəmilərə göndərməyi hədəfləyir.Planlaşdırılan kosmosa əsaslanan elektrik şəbəkəsi Günəşdən gələn enerjini cəmləşdirmək və digər nəqliyyat vasitələrinin günəş panellərinə göndərmək üçün peykləri aşağı Yer orbitinə yerləşdirəcək.
Hazırda aşağı Yer orbitində orta peyk Günəşdən təxminən 1000-1500 vatt enerji istehsal edir. Bu, soyuducunun istifadə etdiyindən bir qədər çox olsa da, “Star Catcher” peyklərin bir ev qədər enerji istifadə edəcəyini təklif edir.
Şirkət iddia edir ki, onun kosmik gəmisi birbaşa Günəşdən əldə etdikləri enerjidən 5-10 dəfə çox enerji istehsal edəcək. O, həmçinin əlavə edir ki, onların göndərəcəkləri cəmlənmiş günəş enerjisi kosmik gəmilərdəki günəş panelləri ilə uyğun gəlir və onların əlavə emaldan keçməsinə ehtiyac qalmayacaq.
“Star Catcher” müştəriləri ilə ehtiyac duyduqları enerjinin miqdarı, intensivliyi və tezliyi əsasında illik müqavilə imzalamağı planlaşdırır. Arzu edənlər enerji haqqını müqavilə bağlamadan istifadə etdikləri kimi ödəyə biləcəklər.
Şəbəkədəki bir peykin eyni anda birdən çox vasitəyə enerji göndərməsi gözlənilir. Şirkət 2025-ci ilin dekabrında sınaq məqsədi ilə ilk peyki buraxmağı hədəfləyir və son məqsədi 200 peykə çatmaqdır.
Osman Həmdi bəyin tablosu Parisdə 571...
Ekspertin çağırışı: "Tsunami Türkiyənin...
Marsın peykləri üçün iki nəzəriyyə:...
Çanaqqalada aparılan qazıntılar zamanı...
Finlandiyada çovğun 70 min evi...
