22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:40:32 Bakı , 14°C
Ana səhifə Xəbərlər Ətraflı

Xəbər lenti:

Davosda “Süni intellektlə sürətli transformasiya mühitində inamın bərpası” müzakirə olunacaq

13-01-2024

Dünya İqtisadi Forumunun builki sammiti yanvarın 15-dən 19-dək İsveçrənin Davos şəhərində keçiriləcək.Bu il Forumun əsas diqqəti parçalanmış dünyada təhlükəsizliyin və əməkdaşlığın təmin edilməsi, yeni dövr üçün artım və məşğulluğun yaradılması, iqtisadiyyat və cəmiyyət, iqlim, təbiət və enerji üçün hərəkətverici qüvvə kimi süni intellektin yaradılması üzrə uzunmüddətli strategiyaya yönəldiləcək.

Bu il 54-cü dəfə keçiriləcək sammitdə 120 ölkədən 2800-dən çox iş adamı, siyasətçi, akademik və qeyri-hökumət təşkilatlarının nümayəndələri iştirak edəcək. 

Dünya İqtisadi Forumu humanitar, iqlim, sosial və iqtisadi çağırışlarla mübarizədə birgə beynəlxalq fəaliyyətin vacibliyini vurğulamaq üçün bu il üçün “Güvənin bərpası” mövzusunu seçib.

Dünya İqtisadi Forumunun hər il dərc etdiyi qlobal risk təhlilinə görə, temperaturun artması, güclü yağışlar, şiddətli tufanlar və uzun sürən quraqlıq kimi ekstremal hava hadisələri dünya iqtisadiyyatının üzləşdiyi təhlükələr siyahısında birinci yerdədir.

Cənubi Asiya və Avropada baş verən son meşə yanğınları və daşqınlar iqlim dəyişikliyinin insan və iqtisadi xərclərini ortaya qoysa da, geosiyasi çoxsaylı böhranların artması problemin həlli üçün qlobal razılaşma əldə etməyin çətin olduğunu göstərir.Forumda bu məsələlər də gündəmdə olacaq.

Paylaş:

Kateqoriyalar

Eyni kateqoriyalı xəbərlər