22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:31:11 Bakı , 14°C
Ana səhifə Xəbərlər Ətraflı

Xəbər lenti:

Çinin “Şencou-18” missiyasının astronavtları kosmik stansiyaya çatıb

26-04-2024

Çinin “Şencou-18” kosmik gəmisi “Tienqon” kosmik stansiyası ilə birləşib.

Fhnews.az xəbər verir ki, Çin Kosmos Agentliyi birləşmənin Pekin vaxtı ilə saat 03:32-də (Bakı vaxtı ilə 07.32 – red.), kosmik gəmini orbitə qaldıran daşıyıcı raketin buraxılışından təxminən 6 saat yarım sonra baş tutduğunu açıqlayıb. Birləşmədən sonra “Şencou-18” missiyasının astronavtları Yı Quanfu, Li Çon və Li Quansu stansiyaya keçərək, “Şencou-17”nin 6 aydır stansiyada olan astronavtları ilə görüşüblər.

Aprelin 30-da “Şencou-17”nin astronavtları Tan Honbo, Tan Şencie və Cian Sinlin Yerə qayıdacaqlar. “Şencou-18”in astronavtları isə təxminən 6 ay kosmosda qalacaqlar. Onlar kosmik stansiyada, habelə açıq kosmosda bir neçə tapşırıq və test icra edəcəklər. Bu, Çinin orbitə göndərdiyi 13-cü pilotlu missiyasıdır.

Qeyd edək ki, “Şencou-18” missiyasına aprelin 25-də start verilib. Kosmik gəmini orbitə aparan “Böyük Yürüş-2F” daşıyıcı raketinin buraxılışı Qobi səhrasındakı Ciuçüən kosmodromunda aprelin 25-də yerli vaxtla axşam saat 20:59-da baş tutub. Startdan təxminən 10 dəqiqə sonra kosmik gəmi raketdən ayrılaraq planlaşdırılan orbitə daxil olub.

Paylaş:

Kateqoriyalar

Eyni kateqoriyalı xəbərlər