22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:47:34 Bakı , 14°C
Ana səhifə Xəbərlər Ətraflı

Xəbər lenti:

Çində şiddətli yağışlar səbəbindən 11 nəfər itkin düşüb

22-04-2024

Çinin cənubundakı Quandon vilayətində bir neçə gündür davam edən aramsız yağışlar səbəbindən 11 nəfər itkin düşüb.

Fhnews.az vilayətin fövqəladə hallar departamentinə istinadla xəbər verir ki, şiddətli yağışların yaratdığı fəsadlara görə 54 minədək sakin təxliyə edilib, 13 min nəfər müvəqqəti məntəqələrə yerləşdirilib.

Hazırda itkin düşənlərin axtarışları, habelə təbii fəlakətin nəticələrinin aradan qaldırılması işləri aparılır.

Qeyd edək ki, ötən həftədən davam edən şiddətli yağışlar Quandon vilayətində ciddi fəsadlara səbəb olub. Çaylar məcrasından çıxıb, evləri, küçələri, əkin sahələrini su basıb. Kommunikasiya xətlərinə, avtomobil və dəmir yollarına ziyan dəyib, hava limanlarında uçuşlar təxirə salınıb. Çinyuan şəhərində torpaq sürüşməsi nəticəsində bir neçə ev dağılıb. Şəhərin tabeliyindəki bir neçə inzibati ərazidə orta məktəblərdə dərslər dayandırılıb.

Bölgədə sel və daşqınlarla əlaqədar 4-cü dərəcəli xəbərdarlıq elan edilib. Beycian çayında suyun səviyyəsi təhlükəli həddən 5 metr daha yüksək olub. Meteoroloqlar yağıntıların qarşıdakı günlərdə də davam edəcəyini proqnozlaşdırıblar.

Paylaş:

Kateqoriyalar

Eyni kateqoriyalı xəbərlər