22 noyabr 2024, cümə
Bakı, 14°C
- 22 noyabr 2024, cümə 03:32:02 Bakı , 14°C
Çin avtomobil nəhəngi özünü idarə edən uçan avtomobilini təqdim etdi
Çinin avtomobil istehsalçısı “Chery” şirkəti özünü idarə edən ilk uçan avtomobilini təqdim edib.
Şirkət "Quru və Hava Vasitələri" adlı uçan avtomobil prototipini nümayiş etdirib. Elektrikli avtomobil sükan çarxı və ya qaz pedalı olmadığı üçün fərqlənir və üç hissədən ibarətdir: təyyarə,ağıllı kokpit və ağıllı şassi.
Hazırda inkişaf mərhələsində olan Quru və Hava Vasitəsi 80 kilometrlik sınaq uçuşunu uğurla başa vurub. “Chery”nin avtonom uçuş və quruda sürmə rejimləri arasında keçid edə biləcəyi, avtomobilin tıxacda sürücülərin köməyinə gələcəyi gözlənilir. Avtomobil uçuş rejimində olduqda şaquli olaraq qalxır və enir.
Şirkətin əvvəlki açıqlamalarına görə, uçan avtomobil maksimum 1000 metr yüksəkliyə qalxa bilir. Maksimum saatda 120 kilometr sürətə çata bilən vasitənin uçuş müddəti təxminən 40 dəqiqədir. “Chery” kimi şirkətlərin bir-birinin ardınca yeni avtomobillərinin sınaq uçuşları həyata keçirdiklərini nəzərə alsaq, bunlar gözləniləndən daha tez yayıla bilər.
Digər tərəfdən, ekspertlər bu avtomobillərin bazara çıxarılacağı təqdirdə ciddi təhlükəsizlik qaydalarına ehtiyac olacağını vurğulayırlar.
Aerokosmik mühəndislik sahəsində çalışan alim Pat Anderson deyir ki, uçan avtomobillərin qarşısındakı ən böyük maneələrdən biri onun maddi tərəfidir. Anderson hesab edir ki, bu avtomobillərin çox güman ki, bahalı olduğu üçün alıcısı az olacaq.
Təhlükəsizlik qaydalarına ehtiyac olduğuna diqqət çəkən ekspert bu vasitələrin 10-20 ildən əvvəl geniş yayılacağını gözləmir.
Osman Həmdi bəyin tablosu Parisdə 571...
Ekspertin çağırışı: "Tsunami Türkiyənin...
Marsın peykləri üçün iki nəzəriyyə:...
Çanaqqalada aparılan qazıntılar zamanı...
Finlandiyada çovğun 70 min evi...
