22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:22:28 Bakı , 14°C
Ana səhifə Xəbərlər Ətraflı

Xəbər lenti:

Çanta və telefonları günəş panelinə çevirən örtük hazırlanıb

11-08-2024
IMG

Qalıq yanacaqların mühüm rol oynadığı iqlim böhranı səbəbindən təmiz və bərpa olunan enerjilərə keçid sürətlənir. Günəş panelləri sənayesi bu istiqamətdə inkişaf edərkən elm dünyası ulduzun enerjisindən daha çox faydalanmağın yollarını axtarır.

Ənənəvi silikon əsaslı günəş panellərindən daha səmərəli olduğu üçün son illərdə perovskit adlı material da gündəmə gəlib. Bu material günəş işığını enerjiyə çevirməkdə uğur qazandığı üçün “möcüzə materialı” da adlandırılır.

Oksford Universitetinin alimləri kürək çantalarından telefonlara qədər müxtəlif əşyalara yapışdıraraq günəş enerjisi istehsal edən nazik örtük hazırlayıblar.Ənənəvi günəş panellərindəki silikon təbəqədən 150 qat daha incə olan bu örtük silikondan fərqli olaraq bir çox məhsula yerləşdirilə bilir. 
Tədqiqat qrupu örtükdən 27 faiz səmərəliliyə nail ola bilib. Silikon hüceyrələrdən hazırlanan panellər günəş işığının 22 faizini enerjiyə çevirə bilir. 
Alimlər möcüzə materialının zamanla 45 faizdən çox səmərəlilik təmin edəcəyini düşünürlər.

Günəş enerjisindən istifadə zamanı qarşıya çıxan problemlərdən biri də panellərdən ibarət böyük günəş fermalarının quraşdırılması üçün yerlərin tapılmasıdır. Tədqiqatçılar deyirlər ki, perovskit örtüyü kürək çantaları, telefonlar və avtomobillər kimi məhsulların üzərinə yerləşdirilə və günəş işığını enerjiyə çevirə bilər. 
Digər tərəfdən, yeni çevik və nazik örtük günəş fermalarını əvəz etmək üçün nəzərdə tutulmayıb. Möcüzə materialı ilə bağlı əsas problemlərdən biri onun zəif olmasıdır. Əvvəlki araşdırmalarda perovskitin laboratoriya şəraitində qısa müddətdə parçalandığı görülmüşdür. 
Alimlər bunun öhdəsindən gəlməyə çalışarkən, Oksford tədqiqatçıları yeni örtükdən tikinti və avtomobil sənayesində istifadə oluna biləcəyini təklif edirlər.

Paylaş:

Kateqoriyalar

Eyni kateqoriyalı xəbərlər