22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:21:51 Bakı , 14°C
Ana səhifə Xəbərlər Ətraflı

Xəbər lenti:

Çadda daşqınlar 500-dən çox insanın həyatına son qoyub

23-09-2024
IMG

Çadda iyul ayından bəri davam edən daşqınlar 500-dən çox insanın ölümünə səbəb olub. Təbii fəlakət, həmçinin 1 milyon 700 min insana təsir edib.

Fhnews.az xəbər verir ki, bu barədə BMT-nin Çaddakı humanitar bölməsi məlumat yayıb.

Bildirilir ki, təbii fəlakət nəticəsində 200 mindən çox ev dağılıb, 300 min hektar əkin sahəsi su altında qalıb, 70 minə yaxın ev heyvanı tələf olub.

Hökumət orqanları yaxın günlərdə daşqın hadisələrinin sayının artacağını istisna etmir. Yaradılan xüsusi komitə “içməli su mənbələrinin çirklənməsi və çayların səviyyəsinin qalxması ilə bağlı risklərin” monitorinqini aparır.

Çadda, həmçinin Mərkəzi və Qərbi Afrikanın digər ölkələrində leysan yağışlardan sonra həftələrdir ki, daşqınlar davam edir. Ümumdünya Ərzaq Proqramının məlumatına görə, daşqınlar nəticəsində 14 ölkədə minə yaxın insan həlak olub. Eyni zamanda, təbii fəlakət 4 milyondan çox insana təsir göstərib.

Ümumdünya Meteorologiya Təşkilatı Afrikanın qlobal istixana qazı emissiyaları səbəbindən baş verən ekstremal hava hadisələrindən ən çox təsirlənən region olduğunu bildirib.

Paylaş:

Kateqoriyalar

Eyni kateqoriyalı xəbərlər