22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:46:35 Bakı , 14°C
Ana səhifə Xəbərlər Ətraflı

Xəbər lenti:

Braziliya son 70 ilin ən ciddi quraqlıq və meşə yanğınları ilə mübarizə aparır

11-09-2024
IMG

Braziliyada son 70 ilin ən ciddi quraqlığı yaşanıb, meşə yanğınları qorunan əraziləri məhv edib, havanın keyfiyyəti aşağı düşüb. Ölkənin son 70 ilin ən ciddi quraqlığını yaşadığını bildirən rəsmilər Braziliya ərazisinin təxminən 59 faizinin quraqlıqla üzləşdiyini qeyd ediblər. Rəsmilər quraqlıqdan təsirlənən ərazilərin ABŞ-nın yarısı qədər olduğuna diqqət çəkib.

Amazon hövzəsindəki bəzi çaylarda su miqdarının son dövrlərin ən aşağı səviyyələrində olduğunu bildirən səlahiyyətlilər ölkə daxilində təsirli meşə yanğınlarının qorunan əraziləri məhv etdiyini və geniş əraziyə yayılan tüstü səbəbiylə havanın keyfiyyətinin ciddi şəkildə azaldığını bildirib. Milli Təbii Fəlakətlərin Monitorinqi və Erkən Xəbərdarlıq Mərkəzinin zabiti Ana Paula Cunha bildirib ki, ilk dəfədir ki, quraqlıq ölkənin şimalından cənub-şərqinə qədər uzanır. Bu, ölkə tarixində ən intensiv və geniş yayılmış quraqlıqdır.

Çapada dos Veadeiros Milli Parkının direktoru Nayara Staçeski də builki quraqlıq mövsümünün əvvəlki illərdən xeyli tez başladığını və yağışlı mövsümün intensiv, lakin qısa olduğunu bildirib."Küləklər güclüdür, havada rütubət çox aşağıdır və hava həddindən artıq istidir. Bütün bunlar meşə yanğınlarını daha da pisləşdirir"-deyə Staçeski bildirib.

Paylaş:

Kateqoriyalar

Eyni kateqoriyalı xəbərlər