22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:36:14 Bakı , 14°C
Ana səhifə Xəbərlər Ətraflı

Xəbər lenti:

Braziliya Pantanalında güclü yanğınlar baş verir

13-06-2024
IMG

Braziliyada dünyanın ən böyük tropik bataqlıq ərazisi olan Pantanalda bu il yanğınlar daha tez başlayıb.

Fhnews.az xarici mediaya istinadla xəbər verir ki, ekspertlər bunu iqlim dəyişmələri ilə əlaqələndirirlər.

Braziliyanın qərbindəki Pantanal bataqlıqlarında güclü yanğınlar baş verib. Qiymətləndirmələri üçün peyk məlumatlarından istifadə edən Rio-de-Janeyro Universiteti bildirir ki, 3400 kvadrat kilometrdən çox ərazi yanvar ayından bəri yanır. Medianın məlumatına görə, son on gündə vəziyyət daha da pisləşib. Bu, son 15 ildə ikinci ən böyük yanğınlardır, yalnız 2020-ci ildə vəziyyət daha da kritik hala gəlib. O vaxt bütün ərazinin təxminən üçdə biri zərər çəkdi.

Braziliya Milli Kosmik Tədqiqatlar İnstitutunun (INPE) məlumatına görə, yanvar ayından bəri Qərbi Braziliya ərazisində 1385 yanğın qeydə alınıb. İlin əvvəlindən iyunun 9-dək yanğınların sayı ötən ilin eyni dövrü ilə müqayisədə 935 faiz çox olub.

Adətən yanğın mövsümü yalnız iyul ayında güclü yağışdan sonra baş verən quraqlıqla başlayır. Həmin vaxt Pantanaldakı yanğınlar qeyri-adi sayılmayıb. Prosesin indi baş verməsi alimləri narahat edib. Hazırda səlahiyyətlilər yanğınların səbəblərini araşdırı. Ekoloq Delsio Rodrigez, iqlim dəyişmələrindən qaynaqlanan mövcud hava şəraitinin yanğınlara səbəb ola biləcəyini qeyd edir. Lakin əsas səbəb texnogen amildir. Əkin-biçin işləri vəziyyəti daha da pisləşdirəcək.

Təxminən 250 min kvadrat kilometr ərazisi olan Pantanal (Böyük Britaniya ərazisindən daha böyükdür) dünyanın ən böyük su-bataqlıq ərazilərindən biri hesab olunur. Pantanal yaquarlara, nəhəng qarışqayeyənlərə və çay su Samurlarının məskənidir. Ekoloq Rodrigezin fikrincə, mövcud yanğınlar Pantanalın ekosistemi və biomüxtəlifliyi üçün ciddi nəticələrə səbəb ola bilər.

Paylaş:

Kateqoriyalar

Eyni kateqoriyalı xəbərlər