22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:41:54 Bakı , 14°C
Ana səhifə Xəbərlər Ətraflı

Xəbər lenti:

Beyin qanaxmasını dayandıra bilən nanorobot istehsal edilib

23-09-2024
IMG

Beynəlxalq tədqiqat qrupu kiçik virus ölçülü nanobotların dəstələrini yaradaraq beyin qanaxmalarını dayandırmaq potensialına malik texnologiya üzərində işləyir. Çin və İngiltərə alimlərinin üzərində işlədikləri maqnitlə idarə olunan cihazlar bədən damarlarından qanaxmanın qarşısını ala bilir. Bir təcrübədə milyardlarla dərmanı daşıyan mikroskopik bir quruluş sınaq heyvanının yuxu arteriyasındakı model anevrizmanı təhlükəsiz şəkildə müalicə edə bilib.

Hələ insanlarda sınaqdan keçirilməsə də, komanda bu texnologiyanın insanlarda təhlükəsiz şəkildə istifadə oluna biləcəyini düşünür. “TRT Haber”in məlumatına görə, tədqiqatın aparıcı müəlliflərindən biri olan Edinburq Universitetindən biofizik Qi Zhou deyib ki, nanorobotlar tibbdə yeni üfüqlər açacaq. Bu texnologiyalar daha az risklə cərrahi müdaxilələr etmək imkanı təqdim edə bilər. 

Hər birinin orta diametri 300 nanometr olan bu robotlar maqnetit nüvəsi və onun ətrafındakı laxtalanma agenti trombini ilə örtülmüşdür.
Nanobotların qoruyucu qabığı 42,5 dərəcə Selsi temperaturunda insan bədən istiliyindən bir qədər yüksəkdə əriyən maddədən hazırlanıb. Nanobotlar maqnit sahəsi ilə istiqamətləndirilərək damarlarda istənilən nöqtəyə çatdıqda qabıq əridilir, dərman buraxılır və bu prosesdə laxtalanma başlayır.

Paylaş:

Kateqoriyalar

Eyni kateqoriyalı xəbərlər