22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:15:27 Bakı , 14°C
Ana səhifə Xəbərlər Ətraflı

Xəbər lenti:

BDU-nun 30 məzunu dünyanın nüfuzlu universitetlərində dövlət hesabına təhsil alacaq

05-08-2024
IMG

Bakı Dövlət Universitetinin (BDU) 30 məzunu “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2026-cı illər üçün Dövlət Proqramı”nın iştirakçısı adını qazanıb və nüfuzlu universitetlərdə magistratura təhsili alacaq.

Bu barədə universitetdən məlumat verilib.

2024-2025-ci tədris ili üçün həyata keçirilən sənəd qəbulunun ilkin nəticələri üzrə magistratura səviyyəsinə qəbul olan 295 namizədin 30 nəfəri BDU-nun məzunudur. Onlardan 16-sı Böyük Britaniya və Şimali İrlandiya Birləşmiş Krallığı, 12-si Amerika Birləşmiş Ştatları, 1-i Almaniya, biri isə İsveçin məşhur universitetlərində təhsil alacaq.

BDU məzunları tərəfindən üstünlük verilən əsas ixtisas istiqamətləri hüquq, dövlət idarəetməsi, fundamental və tətbiqi elmlər, mühəndislik, statistika və verilənlərin təhlili, ictimai səhiyyədir.

Azərbaycan Respublikasının Prezidenti İlham Əliyevin Sərəncamı ilə təsdiq olunmuş Dövlət Proqramının əsas məqsədi gənclərə xarici ölkələrin nüfuzlu ali təhsil müəssisələrində təhsil imkanları yaratmaqla, ölkəmizin dayanıqlı inkişafını təmin edəcək və qlobal çağırışlara cavab verəcək yeni texnologiyaları çevik mənimsəyən, praktiki bilik və bacarıqlara yiyələnən, müasir və gələcək əmək bazarının tələblərinə cavab verən rəqabətqabiliyyətli və yüksəkixtisaslı peşəkar kadrların hazırlanmasını təmin etməkdir.

Paylaş:

Kateqoriyalar

Eyni kateqoriyalı xəbərlər