22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:03:14 Bakı , 14°C
Ana səhifə Xəbərlər Ətraflı

Xəbər lenti:

Bəşəriyyəti yeni üfüqlərə aparacaq metalla işləyən kosmik texnologiya sınaqdan keçirilir

07-10-2024
IMG

Kosmik gəmilərin uzun məsafələrə səyahətinə maneələrdən biri də yanacaq çatışmazlığıdır. Yer atmosferindən kənarda olanda, ksenon və ya kripton kimi nadir kimyəvi elementlər tez-tez yanacaq kimi çıxış edirlər.

Alimlər metallarla işləyə bilən kosmik gəminin təkanını sınaqdan keçirməyə başlayıblar. Kosmik gəmilərin dəmir və alüminium kimi metalları yanacaq kimi istifadə etməsinə imkan yaratmağı hədəfləyən bu iş bəşəriyyətin indiyə qədər getmədiyi qədər irəli getməsinə yol aça bilər. 
Birləşmiş Krallığın Sauthempton Universitetinin tədqiqatçıları raketlərin bu problemi aradan qaldırmaq üçün kosmosda bol olan metallardan istifadə edə biləcəyini düşünürlər. Böyük Britaniyada yerləşən kosmos şirkəti “Magdrive” ilə işləyən alimlər metalları yanacağa çevirə bilən sistem hazırlayıb. 

“Super Magdrive” adlanan texnologiya kosmik gəmilərə Yerə qayıtmaq əvəzinə asteroidlərdən, kometlərdən və peyklərdən yanacaq kimi metallardan istifadə etməyə imkan verə bilər. 

Sistem günəş panelləri ilə enerji saxlayır və sonra bu enerjini yüksək gərginlikdə metalları ionlaşdıraraq buraxır. Bu yolla yüksək sıxlıqda və temperaturda bir sıra plazma güllələri yaradır. Bu güllələr daha sonra müəyyən bir istiqamətdə təkan yaratmaq üçün sürətləndirilə bilər. 
Avtomobillərin yerdən havaya qalxması üçün hələ də kimyəvi yanacaq tələb olunacağı gözlənilir. Ancaq kosmosa gedən raketin metalları bu şəkildə yanacağa çevirərək səyahət edəcəyi ehtimalı var. 

Hazırda sistemi laboratoriya mühitində sınaqdan keçirən və tədqiqata rəhbərlik edən  Minkvan Kim yeni sistemin müvəffəqiyyətli olacağı təqdirdə, dərin kosmosa gedən missiyalarda istifadə edilə biləcəyini söyləyib. 

“Bu sistem bizə yeni planetləri kəşf etməyə, yeni həyat axtarmağa, daha əvvəl heç bir insanın getmədiyi yerə getməyə və bitməyən kəşfiyyata imkan verə bilər.”-deyə alim əlavə edib.

Paylaş:

Kateqoriyalar

Eyni kateqoriyalı xəbərlər