22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:49:39 Bakı , 14°C
Ana səhifə Xəbərlər Ətraflı

Xəbər lenti:

Baş Prokurorluq çimərliklərdəki ölüm hallarının qarşısının alınması ilə bağlı maarifləndirici məlumat hazırlayıb

12-07-2024
IMG

Baş Prokurorluq yay fəsli ilə əlaqədar olaraq asudə vaxtlarını çimərlik və su hövzələrinin kənarında keçirən insanlar üçün maarifləndirici məlumat hazırlayıb.

Prokurorluğun mətbuat xidmətindən verilən məlumatda qeyd olunur ki, çimərlik və su hövzələrində bəzən suda boğulma hallarına rast gəlinir. Baş Prokurorluq tərəfindən təsadüfi ölüm hallarının əsas səbəblərindən birinə çevrilmiş bu faciənin qarşısının alınması məqsədilə #maarifləndirici məlumat hazırlanıb:

Çimərliklərdən istifadə zamanı tövsiyə edilir:

- Suya girməzdən əvvəl şərtləri yoxlayın: hər hansı xəbərdarlıq bayraqları varmı? Su şəraiti, çimərlik şəraiti və potensial təhlükələr haqqında xilasedicidən soruşun.

- Yalnız üzmə bacarığınızdan əmin olduğunuz halda öz hündürlüyünüzdən dərin suya daxil olun.

- Öz hündürlüyünüzdən dərin suda tək üzməməyə çalışın.

- Başqa bir şəxsin suda boğulma təhlükəsində olduğunu gördükdə özünüz müdaxilə etməzdən əvvəl yaxınlıqdakı xilasedicilərə müraciət edin.

Çimərliklərdə diqqət edilməlidir:

1. Uşaqlar yalnız böyüklərin müşayiəti ilə çimərlikdən istifadə etməlidir.

2. Uşaqlar çimərlikdə nəzarətsiz qoyulmamalıdır.

3. Uşaqlar çimərlikdə yalnız onlar üçün ayrılmış yerlərdə çimməlidir.

4. Xilasedicilərin çağırış və tələblərinə sözsüz əməl edilməlidir.

5. Xəbərdaredici nişanların və lövhələrin tələblərinə əməl olunmalıdır.

6. Günün qızmar saatlarında günəş altında fasiləsiz dayanmaq səhhət üçün təhlükəlidir.

7. Hava qaraldıqdan sonra suya daxil olmaq təhlükəlidir.

8. Çimərliklərdə istirahət saat 09:00-dan 20:00-dək daha təhlükəsizdir.

Paylaş:

Kateqoriyalar

Eyni kateqoriyalı xəbərlər