22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:39:21 Bakı , 14°C
Ana səhifə Xəbərlər Ətraflı

Xəbər lenti:

Bakıda nöqsanlar aşkarlanan restoranda məhdudlaşdırıcı tədbirlərin tətbiqinə dair qərar qəbul olunub

29-08-2024
IMG

Paytaxtın Xətai rayonu, Ə.Şıxlinski küçəsində fəaliyyət göstərən, fiziki şəxs Bağırov Ruhiddin Nadir oğluna məxsus “Şahbuz” restoranında Qida Təhlükəsizliyi Agentliyinin əməkdaşları plandankənar yoxlama keçiriblər.

Azərbaycan Qida Təhlükəsizliyi Agentliyinin (AQTA) İnformasiya təminatı və innovativ həllər şöbəsindən verilən məlumata görə, baxış zamanı müəssisənin qida təhlükəsizliyi qeydiyyatına alınmadan fəaliyyət göstərdiyi müəyyən olunub. Həmçinin müəssisədə mal qonşuluğu prinsipinin pozulduğu, temperaturun monitorinq və qeydiyyatının aparılmadığı, mexaniki havalandırma sisteminin quraşdırılmadığı, qida məhsullarının yuyulması üçün ayrıca yuma çanağının təşkil edilmədiyi, müvafiq təmizlik işlərinin aparılmadığı, işçi heyətin ilkin və dövri tibbi müayinədən keçmədiyi, xüsusi sanitar geyimlə və fərdi mühafizə vasitələri ilə təmin edilmədiyi, gigiyenik təlimlərə cəlb olunmadığı və digər nöqsanlar aşkarlanıb.

Faktla bağlı qanunvericiliyə uyğun olaraq fiziki şəxs barəsində inzibati protokol tərtib edilib, müəssisədə işlərin görülməsi və xidmətlərin göstərilməsinin dayandırılması ilə bağlı məhdudlaşdırıcı tədbirlərin tətbiqinə dair qərar qəbul olunub.

Paylaş:

Kateqoriyalar

Eyni kateqoriyalı xəbərlər