22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:00:29 Bakı , 14°C
Ana səhifə Xəbərlər Ətraflı

Xəbər lenti:

Bakıda mətbəxində siçovul gəzən obyektin fəaliyyəti dayandırılıb

09-07-2024
IMG

Bakı şəhəri, Səbail rayonu, Y.Məmmədəliyev küçəsində fəaliyyət göstərən “Biblioteka” ictimai iaşə obyektində plandankənar yoxlama zamanı bir sıra nöqsanlar aşkarlanıb.

Fhnews.az xəbər verir ki, bu barədə Azərbaycan Qida Təhlükəsizliyi Agentliyindən (AQTA) məlumat verilib.

Bildirilib ki, fiziki şəxs Şabanov Nəcməddin Nazim oğluna məxsus obyektin qida təhlükəsizliyi qeydiyyatına alınmadan fəaliyyət göstərdiyi, texniki normativ hüquqi aktların tələblərinin pozulduğu müəyyən olunub.

"Aşkar olunmuş nöqsanlarla bağlı qanunvericiliyə uyğun olaraq müəssisənin fəaliyyəti məhdudlaşdırılıb, müəssisə rəhbərliyi barəsində protokol tərtib edilərək inzibati məsuliyyətə cəlb edilib. Faktla bağlı araşdırmalar davam edir", - deyə məlumatda qeyd olunub.

Xatırladaq ki, sözügedən restoranın mətbəxində siçovulun gəzməsi ilə bağlı sosial şəbəkələrdə görüntülər yayılmışdı.

Paylaş:

Kateqoriyalar

Eyni kateqoriyalı xəbərlər