22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:10:50 Bakı , 14°C
Ana səhifə Xəbərlər Ətraflı

Xəbər lenti:

Azərbaycanda biomüxtəlifliyin qorunması məqsədilə uğurlu layihələr həyata keçirilir

02-03-2024

3 mart tarixi Birləşmiş Millətlər Təşkilatı tərəfindən bütün dünyada Ümumdünya Vəhşi Təbiət Günü kimi qeyd edilir. Bu günün qeyd olunmasında məqsəd ictimaiyyətin diqqətini vəhşi heyvan və yabanı bitkilərin mühafizəsinə yönəltməkdir.

Fhnews.az xəbər verir ki, WWF-in Azərbaycan nümayəndəliyinin rəhbəri, Ekologiya və Təbii Sərvətlər Nazirliyi yanında İctimai Şuranın üzvü Elşad Əsgərov bildirib ki, Azərbaycanda biomüxtəlifliyin, fauna və flora növlərinin qorunması məqsədilə bir çox uğurlu layihələr həyata keçirilir.

“Artıq neçə ildir ki, ölkəmizdə IDEA İctimai Birliyi, Ekologiya və Təbii Sərvətlər Nazirliyi və Ümumdünya Təbiəti Mühafizə Fondu (WWF) tərəfindən ceyranların, bezoar keçilərinin, Avropa bizonu və nəcib maralların reintroduksiyası işləri həyata keçirilir.

Həmçinin quraşdırdığımız kameralar vasitəsilə bəbirlərin yaşadığı biotoplarda çoxaldığı müşahidə edilib. Reintroduksiya olunan ceyranlar da artaraq dayanıqlı populyasiyalar əmələ gətiriblər. Eləcə də, Avropa zooparklarından gətirilən zubrlar bala verib və saylarında artım var”.

E.Əsgərov qeyd edib ki, işğaldan azad olunmuş ərazilərimizdə quruculuq işləri davam etdikcə və həmin ərazilər minalardan təmizləndikcə bu ərazilərdə də reintroduksiya işləri həyata keçiriləcək.

Paylaş:

Kateqoriyalar

Eyni kateqoriyalı xəbərlər