22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:56:51 Bakı , 14°C
Ana səhifə Xəbərlər Ətraflı

Xəbər lenti:

Avropa Sosial Şəbəkəsi Azərbaycanın sosial ödənişlərin proaktiv təyinat təcrübəsi barədə məlumat dərc edib

11-01-2024

Avropa Sosial Şəbəkəsi öz rəsmi saytında Əmək və Əhalinin Sosial Müdafiəsi Nazirliyinin sosial ödənişlərin proaktiv təyinatı mexanizmi barədə "Yaxşı təcrübə" nümunəsi olaraq məlumat yerləşdirib.

https://www.esn-eu.org/practices/proactive-social-payments-mechanism

Fhnews.az xəbər verir ki, Nazirliyin İctimaiyyətlə əlaqələr şöbəsindən verilən məlumata görə, məqalədə proaktiv təyinat mexanizmi layihəsinin xüsusi əhəmiyyəti və məqsədi, iş prinsipi, nailiyyətləri və müəyyən statistik məlumatlar öz əksini tapıb.

Həmin mexanizmin vətəndaşların sosial ödəniş almaq hüquqlarını avtomatik müəyyənləşdirərək onların müraciət etməsinə və sənəd təqdim olunmasına ehtiyac olmadan təyinat aparmağa, bu sahədə şəffaflığın və operativliyin təminatına imkan yaratdığı qeyd olunur. Həmçinin nəticədə sosial ödənişlərin təyinatında kağız əsaslı sənəd dövriyyəsini maksimum azaldığı bildirilir.

Avropa Sosial Şəbəkəsi 2011-ci ildən üzv ölkələrinin sosial xidmətlərin göstərilməsi sahəsində effektiv həllər sahəsində qabaqcıl təcrübələrini paylaşır.

Bundan əvvəl, ötən il nazirliyin DOST Rəqəmsal İnnovasiyalar Mərkəzi “VII FinTech Awards 2023” müsabiqəsinin “Dövlət sektoru üzrə proaktiv texnologiyanın aparıcı təminatçısı - 2023” nominasiyası üzrə mükafatı ilə təltif olunub.

2023-cü ildə Beynəlxalq Telekommunikasiya İttifaqı və BMT İnkişaf Proqramının “SDG Digital” tədbiri çərçivəsində keçirdikləri “SDG Digital GameChangers Award” müsabiqəsində də sosial ödənişlərin proaktiv təyinatı layihəsi finalçılar siyahısında yer alıb.

Paylaş:

Kateqoriyalar

Eyni kateqoriyalı xəbərlər