22 noyabr 2024, cümə
Bakı, 14°C
- 22 noyabr 2024, cümə 04:33:10 Bakı , 14°C
Araşdırma: İldə iki dəfə edilən peyvənd İİV infeksiyasına yoluxmanın qarşısını almaqda effektivdir
Yeni inyeksiya yolu ilə İİV müalicəsi olan Lenacapavirin Cənubi Afrika və Uqandada qadınlarda infeksiyaya qarşı yüz faiz effektiv olduğu müəyyən edilib.
Fhnews.az “euronews.com” saytına istinadla xəbər verir ki, bununla bağlı yeni bir araşdırma aparılıb.
Araşdırmanın nəticəsi QİÇS-in (Qazanılmış İmmun Çatışmazlığı Sindromu) müalicəsinin bir hissəsi olaraq ildə iki dəfə tətbiq olunan peyvəndin qadınlarda yeni infeksiyaların qarşısının alınmasında yüz faiz təsirli olduğunu göstərib. Tədqiqatçılar Cənubi Afrika və Uqandada 5 minə yaxın insan üzərində aparılan araşdırmada peyvənd edilən gənc qadın və qızlarda infeksiyanın müşahidə olunmadığını bildiriblər.
Amerikalı dərman istehsalçısı Gilead tərəfindən istehsal olunan və “Sunlenca” adı ilə satılan iynələr ABŞ, Kanada və digər ölkələrdə, eləcə də Avropada təsdiqlənib, lakin yalnız İİV-in müalicəsi üçün istifadə olunur. Şirkət infeksiyanın qarşısını almaq üçün əvvəl kişilərdə test nəticələrini gözlədiyini bildirib. Qadınlarda isə bununla bağlı nəticələr “New England Journal of Medicine”də dərc edilib və Almaniyanın Münxen şəhərində keçirilən QİÇS konfransında müzakirə olunub. Təəccüblü dərəcədə ümidverici nəticələrə görə, tədqiqat erkən dayandırılıb və bütün iştirakçılara lenakapavir kimi tanınan peyvənd təklif edilib.
Peyvəndlər iştirakçılara seçim imkanı verir və İİV-in qarşısını almaq üçün həblərin qəbulu ilə bağlı bütün stiqmanı aradan qaldırır.
ABŞ-da İİV müalicəsi kimi dərmanın illik dəyəri 40 min dollardan (36.842 avro) çoxdur, lakin fərdlərin ödədiyi məbləğ dəyişir.
Osman Həmdi bəyin tablosu Parisdə 571...
Ekspertin çağırışı: "Tsunami Türkiyənin...
Marsın peykləri üçün iki nəzəriyyə:...
Çanaqqalada aparılan qazıntılar zamanı...
Finlandiyada çovğun 70 min evi...
